Skipulagsnefnd Keflavíkurflugvallar samþykkti 26. júní 2025 breytingu á deiliskipulagi á norðaustursvæði Keflavíkurflugvallar.

Um er að ræða deiliskipulagsbreytingu sem felst í að skilgreind er ný 900 m² lóð fyrir varaaflsstöð og ný 1200 m² lóð fyrir neyðarkyndistöð með viðeigandi tækja- og tengibúnaði. Lóðin Pétursvöllur 34 fellur að sama skapi niður sem og heimild um að reisa aðkomuhús og þjónustuhlið.

Deiliskipulagsbreytingin hefur hlotið meðferð í samræmi við ákvæði 1. mgr. 43. gr. skipulagslaga nr. 123/2010 og öðlast þegar gildi.

B deild — Útgáfudagur: 31. júlí 2025