Bæjarstjórn Garðabæjar hefur samþykkt eftirfarandi deiliskipulag Urriðaholts, norðurhluta og breytingar á deiliskipulagi Urriðaholts, vesturhluta:

1. Urriðaholt - norðurhluti, deiliskipulag.
   Deiliskipulagið gerir ráð fyrir 66-72 íbúðum í 3 fjölbýlishúsum og leikskólalóð. Allar byggingar standa við norðurenda Holtsvegar að vestanverðu.
2. Hellagata 31, breyting á deiliskipulagi vesturhluta Urriðaholts.
   Breytingin gerir ráð fyrir fjölgun íbúða um 3 (úr 6 í 9) og fjölgun bílastæða um 6 (úr 12 í 18). Byggingarmagn ofanjarðar breytist ekki.
3. Holtsvegur 51, breyting á deiliskipulagi vesturhluta Urriðaholts.
   Breytingin gerir ráð fyrir fjölgun íbúða um 6 (úr 10 í 16) og fjölgun bílastæða um 16 (úr 20 í 36). Byggingarmagn ofanjarðar minnkar um 326 m².
4. Hraungata 19-23, breyting á deiliskipulagi vesturhluta Urriðaholts.
   Breytingin gerir ráð fyrir minniháttar breytingum á byggingarreitum og tilfærslum á bílastæðum. Byggingarmagn ofanjarðar breytist ekki.
5. Hraungata 41-45 og 47-51, breyting á deiliskipulagi vesturhluta Urriðaholts.
   Breytingin gerir ráð fyrir minniháttar breytingum á byggingarreitum og tilfærslum á bílastæðum. Byggingarmagn ofanjarðar breytist ekki.
6. Hraungata 25-39, breyting á deiliskipulagi vesturhluta Urriðaholts.
   Breytingin gerir ráð fyrir fjölgun íbúða um 2 (úr 8 í 10) og fjölgun bílastæða um 4 (úr 18 í 22) eins og skipulagsnefnd hefur áður samþykkt. Valmöguleiki um raðhúsagerð R1 er felldur út.
7. Víkurgata 2, breyting á deiliskipulagi vesturhluta Urriðaholts.
   Breytingin gerir ráð fyrir fjölgun íbúða um 2 (úr 8 í 10) og fjölgun bílastæða um 7 (úr 10 í 17). Byggingarmagn ofanjarðar stækkar um 99 m².
8. Skólalóðir við Vörðuveg, breyting á deiliskipulagi vesturhluta Urriðaholts.
   Breytingin gerir ráð fyrir að grunnskólalóðin Vörðuvegur 1 og leikskólalóðin Vörðuvegur 3 sameinist í eina lóð Vörðuveg 1-3 og að gönguleið sem lá á milli lóðanna verði felld út.
9. Salarhæð fjölbýlishúsa, breyting á deiliskipulagi vesturhluta Urriðaholts.
   Breytingin gerir ráð fyrir að skilgreind lágmarks salarhæð fjölbýlishúsa verði 2,9 m í stað 3,0 m.

Ofangreindar deiliskipulagsáætlanir hafa hlotið þá meðferð sem skipulagslög mæla fyrir um og öðlast þegar gildi.

Garðabæ, 27. mars 2014.

Arinbjörn Vilhjálmsson skipulagsstjóri.

B deild - Útgáfud.: 27. mars 2014