Skipulagsnefnd Keflavíkurflugvallar samþykkti 17. desember 2025 breytingu á deiliskipulagi á vestursvæði Keflavíkurflugvallar.

Deiliskipulagsbreytingin felst í því að skilgreind er ný lóð undir vatnsöflun svo tryggja megi nægilegt slökkvi- og neysluvatn fyrir flugstöðvarsvæðið, um er ræða allt að þrjá 2.000 m³ tanka. Þá er lóðastærðum við Smyrilvöll breytt og þeim fjölgað úr tveimur í fjórar í því skyni að auka framboð á minni lóðum á flugþjónustusvæðinu.

Einnig hefur nýtt svæði verið skilgreint fyrir allt að 300 bílastæði samfara áframhaldandi uppbyggingu flugvallarins. Auk þessa eru uppfærðir skilmálar í gildandi deiliskipulagi; annars vegar vegna auglýsingaskiltis í nálægð við Reykjanesbraut og hins vegar vegna minniháttar tilfærslu á þegar skilgreindri lóð undir spennistöð við Súluvöll.

Deiliskipulagsbreytingin hefur hlotið meðferð í samræmi við ákvæði 1. mgr. 43. gr. skipulagslaga nr. 123/2010 og öðlast þegar gildi.

B deild — Útgáfudagur: 30. janúar 2026