Forseti Íslands
gjörir kunnugt: Alþingi hefur fallist á lög þessi og ég staðfest þau með samþykki mínu:

I. KAFLIBreyting á erfðalögum, nr. 8/1962.

1. gr.

Á eftir 10. gr. laganna kemur ný grein, 10. gr. a, svohljóðandi:

Beiðni um leyfi til setu í óskiptu búi eða öðru gagni sem tengist beiðninni og er afhent eða sent á milli þeirra sem aðkomu eiga að máli er heimilt að miðla á rafrænu eða stafrænu formi, enda leiki ekki vafi á uppruna þess eða frá hverjum það stafar. Sýslumaður getur ákveðið að frumrit gagns verði lagt fram við meðferð máls telji hann það nauðsynlegt, svo sem vegna sönnunar á þeim réttindum sem eiga í hlut.

Þegar ákvæði þessa kafla eða venja áskilja áritun, undirritun, staðfestingu eða vottun telst slíkum áskilnaði fullnægt með rafrænni staðfestingu.

Gagn sem miðlað er á stafrænu eða rafrænu formi telst komið til viðtakanda þegar það er aðgengilegt þannig að unnt sé að kynna sér efni þess. Beiðni eða annað gagn þarf ekki jafnframt að afhenda á pappírsformi.

Ráðherra skal með reglugerð kveða nánar á um framkvæmd þessa ákvæðis um meðferð mála hjá sýslumanni, þar á meðal um rafræna staðfestingu, afhendingarmáta og form og frágang gagna.

2. gr.

Ákvæði til bráðabirgða í lögunum fellur brott.

II. KAFLIBreyting á lögum um aðför, nr. 90/1989.

3. gr.

Á eftir 4. gr. laganna kemur ný grein, 4. gr. a, svohljóðandi:

Aðfararbeiðni, tilkynningu eða öðru gagni sem á grundvelli laga þessara er afhent eða sent á milli þeirra sem aðkomu eiga að máli er heimilt að miðla á rafrænu eða stafrænu formi, enda leiki ekki vafi á uppruna þess eða frá hverjum það stafar. Sýslumaður getur ákveðið að frumrit gagna verði lögð fram við meðferð máls telji hann það nauðsynlegt, svo sem vegna sönnunar á þeim réttindum sem málsaðili telur sig eiga.

Þegar lög þessi eða venja áskilja áritun, undirritun, staðfestingu eða vottun telst slíkum áskilnaði fullnægt með rafrænni staðfestingu.

Aðfararbeiðni, tilkynning eða annað gagn sem miðlað er á stafrænu eða rafrænu formi telst komið til viðtakanda þegar það er aðgengilegt þannig að unnt sé að kynna sér efni þess. Gagn eða tilkynningu þarf ekki jafnframt að afhenda á pappírsformi.

Gögn og tilkynningar sem birt eru eftir fyrirmælum 7., 21. og 80. gr. skulu, þrátt fyrir 3. mgr., birt á því formi og á þann hátt sem þar er lýst.

Ráðherra skal með reglugerð kveða nánar á um framkvæmd þessa ákvæðis um meðferð mála hjá sýslumanni, þar á meðal um rafræna staðfestingu, afhendingarmáta og form og frágang gagna.

4. gr.

Orðin „eða símskeyti“ í 1. málsl. 2. mgr. 7. gr. laganna falla brott.

5. gr.

Við 2. mgr. 10. gr. laganna bætist: eða berast án ástæðulauss dráttar og eigi síðar en viku frá því að aðfararbeiðni barst sýslumanni. Móttaka aðfararbeiðni skv. 18. gr. miðast þó við þann tíma sem frumrit viðskiptabréfs berst sýslumanni. Berist frumrit viðskiptabréfs sýslumanni ekki innan tilskilins frests skal beiðnin endursend samkvæmt fyrirmælum 2. mgr. 17. gr.

6. gr.

Eftirfarandi breytingar verða á 2. mgr. 11. gr. laganna:

1. Á eftir orðunum „skal aðfararbeiðni“ í 1. málsl. kemur: ásamt fylgigögnum.
2. 2. málsl. fellur brott.

7. gr.

Í stað orðanna „annað eintak hennar með áritun, ásamt samriti“ í 2. mgr. 15. gr. laganna kemur: eintak hennar með áritun, ásamt eintaki.

8. gr.

Í stað 2. og 3. málsl. 18. gr. laganna kemur einn nýr málsliður, svohljóðandi: Aðfararbeiðnir skulu skráðar í þeirri röð sem þær berast.

9. gr.

Eftirfarandi breytingar verða á 2. mgr. 21. gr. laganna:

1. Í stað orðsins „símskeyti“ í 21. gr. laganna kemur: í stafrænu pósthólfi í miðlægri þjónustugátt stjórnvalda.
2. Tveir nýir málsliðir bætast við, svohljóðandi: Tilkynning telst réttilega birt í stafrænu pósthólfi í miðlægri þjónustugátt stjórnvalda þegar gerðarþoli hefur staðfest móttöku hennar. Um birtingu í stafrænu pósthólfi fer að öðru leyti eftir lögum um stafrænt pósthólf í miðlægri þjónustugátt stjórnvalda.

10. gr.

Við 22. gr. laganna bætast tvær nýjar málsgreinar, svohljóðandi:

Sýslumaður getur heimilað málsaðila að mæta við aðför sem fram fer á starfsstofu sýslumanns samkvæmt lögum þessum um fjarfundarbúnað, með hljóði og mynd ef þess er kostur, enda geti allir sem viðstaddir eru fylgst með því sem fram fer.

Ráðherra skal setja reglugerð sem kveður nánar á um heimild til að mæta hjá sýslumanni við aðför um fjarfundarbúnað.

11. gr.

Í stað orðsins „undirrita“ í 2. málsl. 3. mgr. 33. gr. og 1. mgr. og 2. málsl. 2. mgr. 34. gr. laganna kemur: staðfesta.

12. gr.

Í stað orðanna „eftirrits úr gerðabók“ í 1. málsl. 2. mgr. 35. gr. laganna kemur: eintaks gerðabókar.

13. gr.

Í stað orðsins „eftirrit“ í 2. málsl. 59. gr. laganna kemur: eintak.

14. gr.

Eftirfarandi breytingar verða á 80. gr. laganna:

1. Í stað orðanna „með símskeyti“ í 1. málsl. 1. mgr. kemur: í stafrænu pósthólfi í miðlægri þjónustugátt stjórnvalda, eða með.
2. Við 2. mgr. bætast tveir nýir málsliðir, svohljóðandi: Tilkynning skv. 1. mgr. telst réttilega birt í stafrænu pósthólfi í miðlægri þjónustugátt stjórnvalda þegar gerðarþoli hefur staðfest móttöku hennar. Um birtingu í stafrænu pósthólfi fer að öðru leyti eftir lögum um stafrænt pósthólf í miðlægri þjónustugátt stjórnvalda.

15. gr.

Í stað orðsins „samriti“ í 2. mgr. 82. gr. laganna kemur: eintaki.

16. gr.

Í stað orðanna „ljósrit gagna og eftirrit úr gerðabók“ í 3. mgr. 86. gr. laganna kemur: eintök gagna og gerðabókar.

17. gr.

Í stað orðsins „eftirrit“ í 2. mgr. 93. gr. laganna kemur: eintök.

III. KAFLIBreyting á lögum um skipti á dánarbúum o.fl., nr. 20/1991.

18. gr.

Á eftir 4. gr. laganna kemur ný grein, 4. gr. a, svohljóðandi:

Tilkynningu eða öðru gagni sem á grundvelli laga þessara er afhent eða sent á milli þeirra sem aðkomu eiga að máli er heimilt að miðla á rafrænu eða stafrænu formi, enda leiki ekki vafi á uppruna þess eða frá hverjum það stafar. Sýslumaður getur ákveðið að frumrit gagns verði lagt fram við meðferð máls telji hann það nauðsynlegt, svo sem vegna sönnunar á eignum þess látna eða erfðaréttindum eftir hann eða réttindum sem aðrir telja sig eiga.

Þegar lög þessi eða venja áskilja áritun, undirritun, staðfestingu eða vottun telst slíkum áskilnaði fullnægt með rafrænni staðfestingu.

Tilkynning eða gagn sem miðlað er á stafrænu eða rafrænu formi telst komið til viðtakanda þegar það er aðgengilegt þannig að unnt sé að kynna sér efni þess. Gagn eða tilkynningu þarf ekki jafnframt að afhenda á pappírsformi.

Gögn og tilkynningar sem birt eru skv. 43. og 128. gr. skulu, þrátt fyrir ákvæði 3. mgr., birt á því formi og á þann hátt sem þar er lýst.

Ráðherra skal með reglugerð kveða nánar á um framkvæmd þessa ákvæðis um meðferð mála hjá sýslumanni, þar á meðal um rafræna staðfestingu, afhendingarmáta og form og frágang gagna.

19. gr.

4. mgr. 7. gr. laganna orðast svo:

Heimilt er sýslumanni eða umboðsmanni hans að gefa vottorð um móttöku andlátstilkynningar en veita tilkynnanda skamman frest til að gefa upplýsingar um þau atriði sem getið er í 1. mgr. með skriflegri tilkynningu eða með því að mæta á ný eða senda annan í sinn stað á fund sýslumanns.

20. gr.

Eftirfarandi breytingar verða á 10. gr. laganna:

1. 1. málsl. 2. mgr. orðast svo: Skylt er tilkynnanda andláts eða öðrum, sem sýslumaður telur eftir því sem fram er komið að geti veitt frekari upplýsingar um eignir þess látna eða erfðaréttindi eftir hann, að veita þær upplýsingar sem honum er kostur með tilkynningu eða með því að verða við kvaðningu um að koma á fund sýslumanns.
2. Við bætast tvær nýjar málsgreinar, svohljóðandi:
   
   Sýslumaður getur heimilað hlutaðeigandi að mæta á fund skv. 2. mgr. um fjarfundarbúnað, með hljóði og mynd ef þess er kostur.
   
   Ráðherra skal með reglugerð kveða nánar á um heimild til að mæta á fund hjá sýslumanni um fjarfundarbúnað.

21. gr.

Í stað orðanna „afrit eignaskrár í“ í 2. málsl. 2. mgr. 21. gr. laganna kemur: eintak eignaskrár í stafrænt pósthólf í miðlægri þjónustugátt stjórnvalda, með.

22. gr.

Í stað orðsins „bréflega“ í 1. málsl. 32. gr. og 2. málsl. 2. mgr. 53. gr. laganna kemur: skriflega.

23. gr.

Eftirfarandi breytingar verða á 42. gr. laganna:

1. Í stað orðanna „eftirrit úr dánarskrá og gerðabók“ í 1. málsl. 2. mgr. 42. gr. laganna kemur: eintök dánarskrár og gerðabókar.
2. Í stað orðsins „samrit“ í 3. mgr. kemur: eintak.

24. gr.

Eftirfarandi breytingar verða á 43. gr. laganna:

1. Í stað orðsins „símskeyti“ í 2. málsl. 1. mgr. kemur: stafrænu pósthólfi í miðlægri þjónustugátt stjórnvalda.
2. Við 2. mgr. bætast tveir nýir málsliðir, svohljóðandi: Tilkynning skv. 1. mgr. telst réttilega birt í stafrænu pósthólfi í miðlægri þjónustugátt stjórnvalda þegar viðtakandi hefur staðfest móttöku hennar. Um birtingu í stafrænu pósthólfi fer að öðru leyti eftir lögum um stafrænt pósthólf í miðlægri þjónustugátt stjórnvalda.

25. gr.

Við 50. gr. laganna bætast tvær nýjar málsgreinar, svohljóðandi:

Skiptastjóri getur heimilað málsaðila að mæta á skiptafund samkvæmt lögum þessum um fjarfundarbúnað, með hljóði og mynd ef þess er kostur, enda geti allir sem viðstaddir eru fylgst með því sem fram fer.

Um notkun fjarfundarbúnaðar fer að öðru leyti eftir reglum dómstólasýslunnar um fjarþinghöld dómstóla, eftir því sem við getur átt.

26. gr.

Í stað orðsins „eftirrit“ í 2. mgr. 51. gr. laganna kemur: eintök.

27. gr.

Í stað orðsins „samrit“ í 2. málsl. 1. mgr. 73. gr. og 3. mgr. 119. gr. laganna kemur: eintak.

28. gr.

Í stað orðsins „samrit“ í 1. og 2. málsl. 2. mgr. 127. gr. laganna kemur: eintak.

29. gr.

Við 2. mgr. 128. gr. laganna bætist: eða í stafrænu pósthólfi í miðlægri þjónustugátt stjórnvalda. Birting í stafrænu pósthólfi í miðlægri þjónustugátt stjórnvalda telst réttilega hafa farið fram þegar málsaðilar hafa staðfest móttöku boðunar. Um birtingu í stafrænu pósthólfi fer að öðru leyti eftir lögum um stafrænt pósthólf í miðlægri þjónustugátt stjórnvalda.

30. gr.

158. gr. laganna fellur brott.

IV. KAFLIBreyting á lögum um gjaldþrotaskipti o.fl., nr. 21/1991.

31. gr.

Í stað orðsins „endurrit“ í 3. málsl. 3. mgr. 6. gr. laganna kemur: eintak.

32. gr.

Við 8. gr. laganna bætist ný málsgrein, svohljóðandi:

Um rafræna staðfestingu og afhendingarmáta, form og frágang gagna vegna meðferðar mála fyrir dómi samkvæmt lögum þessum fer að öðru leyti eftir því sem mælt er fyrir um í lögum um meðferð einkamála og reglum settum með stoð í þeim.

33. gr.

Á eftir 9. gr. a laganna kemur ný grein, 9. gr. b, svohljóðandi:

Heimilt er að miðla á rafrænu eða stafrænu formi beiðni um heimild til greiðslustöðvunar eða til að leita nauðasamnings og kröfu um gjaldþrotaskipti, tilkynningu eða öðru gagni, sem á grundvelli laga þessara er afhent eða sent á milli þeirra sem aðkomu eiga að máli, enda leiki ekki vafi á uppruna þess eða frá hverjum það stafar.

Þegar lög þessi eða venja áskilja áritun, undirritun, staðfestingu eða vottun telst slíkum áskilnaði fullnægt með rafrænni staðfestingu.

Beiðni um heimild til greiðslustöðvunar eða til að leita nauðasamnings, krafa um gjaldþrotaskipti, tilkynning eða annað gagn sem miðlað er á stafrænu eða rafrænu formi telst komið til viðtakanda þegar það er aðgengilegt þannig að unnt sé að kynna sér efni þess. Beiðni, kröfu, tilkynningu eða annað gagn þarf ekki jafnframt að afhenda á pappírsformi.

Gögn og tilkynningar sem birt eru skv. 69. og 175. gr. skulu, þrátt fyrir ákvæði 3. mgr., birt á því formi og á þann hátt sem þar er lýst.

34. gr.

Orðið „símskeyti“ í 1. málsl. 2. mgr. 13. gr. og 5. mgr. 17. gr. laganna fellur brott.

35. gr.

Í stað orðsins „samrit“ í 4. mgr. 63. gr. a laganna kemur: eintök.

36. gr.

Eftirfarandi breytingar verða á 1. mgr. 66. gr. laganna:

1. Á eftir orðunum „Krafa um gjaldþrotaskipti“ í 1. málsl. kemur: ásamt fylgigögnum.
2. 2. málsl. fellur brott.

37. gr.

Eftirfarandi breytingar verða á 69. gr. laganna:

1. Í stað orðsins „samrit“ í 2. málsl. 1. mgr. kemur: eintak.
2. Við 2. mgr. bætast tveir nýir málsliðir, svohljóðandi: Þó er heimilt að birta tilkynningu skv. 1. mgr. í stafrænu pósthólfi í miðlægri þjónustugátt stjórnvalda og telst hún þá réttilega birt þegar gerðarþoli hefur staðfest móttöku hennar. Um birtingu í stafrænu pósthólfi fer að öðru leyti eftir lögum um stafrænt pósthólf í miðlægri þjónustugátt stjórnvalda.

38. gr.

Við 79. gr. laganna bætast tvær nýjar málsgreinar, svohljóðandi:

Skiptastjóri getur heimilað að mætt sé á skiptafund samkvæmt lögum þessum um fjarfundarbúnað, með hljóði og mynd ef þess er kostur, enda geti allir sem viðstaddir eru fylgst með því sem fram fer.

Um notkun fjarfundarbúnaðar fer að öðru leyti eftir reglum dómstólasýslunnar um fjarþinghöld dómstóla, eftir því sem við getur átt.

39. gr.

Í stað orðsins „eftirrit“ í 2. mgr. 80. gr. laganna kemur: eintök.

40. gr.

Í stað orðsins „endurrit“ í 2. málsl. 1. mgr. 162. gr. laganna kemur: eintak.

41. gr.

Í stað orðsins „samrit“ í 1. og 2. málsl. 2. mgr. 174. gr. laganna kemur: eintak.

42. gr.

Við 2. mgr. 175. gr. laganna bætist: eða í stafrænu pósthólfi í miðlægri þjónustugátt stjórnvalda. Tilkynning skv. 1. mgr. telst réttilega birt í stafrænu pósthólfi í miðlægri þjónustugátt stjórnvalda þegar gerðarþoli hefur staðfest móttöku hennar. Um birtingu í stafrænu pósthólfi fer að öðru leyti eftir lögum um stafrænt pósthólf í miðlægri þjónustugátt stjórnvalda.

43. gr.

Í stað orðsins „afrit“ í 3. tölul. 1. mgr. 184. gr. laganna kemur: eintök.

44. gr.

Í stað orðsins „Afrit“ í 1. málsl. 2. mgr. 185. gr. og 1. mgr. 189. gr. laganna kemur: eintak.

V. KAFLIBreyting á lögum um nauðungarsölu, nr. 90/1991.

45. gr.

Á eftir 5. gr. laganna kemur ný grein, 5. gr. a, svohljóðandi:

Heimilt er að miðla á rafrænu eða stafrænu formi beiðni um nauðungarsölu, tilkynningu eða öðru gagni, sem á grundvelli laga þessara er afhent eða sent á milli þeirra sem aðkomu eiga að máli, enda leiki ekki vafi á uppruna þess eða frá hverjum það stafar. Sýslumaður getur ákveðið að frumrit gagns verði lagt fram við meðferð máls hjá sýslumanni telji hann það nauðsynlegt, svo sem vegna sönnunar á þeim réttindum sem málsaðili telur sig eiga.

Þegar lög þessi eða venja áskilja áritun, undirritun, staðfestingu eða vottun telst slíkum áskilnaði fullnægt með rafrænni staðfestingu.

Beiðni um nauðungarsölu, tilkynning eða annað gagn sem miðlað er á stafrænu eða rafrænu formi telst komið til viðtakanda þegar það er aðgengilegt þannig að unnt sé að kynna sér efni þess. Gagn eða tilkynningu þarf ekki jafnframt að afhenda á pappírsformi.

Þrátt fyrir 3. mgr. skulu tilkynningar og gögn sem birt eru eftir fyrirmælum 9., 16. og 82. gr. birt á því formi og á þann hátt sem þar er lýst.

Ráðherra skal með reglugerð kveða nánar á um framkvæmd þessa ákvæðis um meðferð mála hjá sýslumanni, þar á meðal um rafræna staðfestingu, afhendingarmáta og form og frágang gagna.

46. gr.

Orðin „eða símskeyti“ í 1. málsl. 2. mgr. 9. gr. laganna falla brott.

47. gr.

Eftirfarandi breytingar verða á 11. gr. laganna:

1. Í stað orðsins „myndrit“ í 2. málsl. 3. mgr. kemur: annað eintak.
2. 1. málsl. 5. mgr. orðast svo: Ef beiðni er lögð fram á pappírsformi skulu jafnmörg eintök hennar fylgja og nemur fjölda gerðarþola.

48. gr.

Eftirfarandi breytingar verða á 16. gr. laganna:

1. Í stað orðanna „afrit hennar“ í 1. málsl. 1. mgr. kemur: eintak hennar í stafrænt pósthólf í miðlægri þjónustugátt stjórnvalda.
2. Á eftir 1. mgr. kemur ný málsgrein, svohljóðandi:
   
   Tilkynning skv. 1. mgr. telst réttilega birt í stafrænu pósthólfi í miðlægri þjónustugátt stjórnvalda þegar gerðarþoli hefur staðfest móttöku. Um birtingu í stafrænu pósthólfi fer að öðru leyti eftir lögum um stafrænt pósthólf í miðlægri þjónustugátt stjórnvalda.
3. Í stað orðsins „afrit“ í 3. mgr. kemur: eintak.

49. gr.

Eftirfarandi breytingar verða á 2. mgr. 20. gr. laganna:

1. Í stað tilvísunarinnar „2. mgr.“ kemur: 3. mgr.
2. Í stað orðanna „afrit“ og „afritið“ kemur: eintak; og: eintakið.

50. gr.

Við 21. gr. laganna bætast tvær nýjar málsgreinar, svohljóðandi:

Sýslumaður getur heimilað málsaðila skv. 1. og 2. tölul. 2. gr. að mæta við fyrirtöku beiðni um nauðungarsölu skv. IV. kafla um fjarfundarbúnað, með hljóði og mynd ef þess er kostur, enda geti allir sem viðstaddir eru fylgst með því sem fram fer. Telst það fullnægjandi mæting af hálfu málsaðila.

Ráðherra skal með reglugerð kveða nánar á um heimild til að mæta hjá sýslumanni um fjarfundarbúnað.

51. gr.

Í stað orðsins „bréflega“ í 1. málsl. 1. mgr. 26. gr. laganna kemur: skriflega eða í stafrænu pósthólfi í miðlægri þjónustugátt stjórnvalda.

52. gr.

Við 1. mgr. 31. gr. laganna bætast tveir nýir málsliðir, svohljóðandi: Sýslumaður getur heimilað málsaðilum skv. 1. og 2. tölul. 2. gr. að mæta til uppboðs um fjarfundarbúnað, með hljóði og mynd ef þess er kostur, enda geti allir sem viðstaddir eru fylgst með því sem fram fer. Ráðherra skal með reglugerð kveða nánar á um heimild til að mæta hjá sýslumanni um fjarfundarbúnað.

53. gr.

Í stað orðanna „eða símskeyti“ í 2. málsl. 3. mgr. 35. gr. laganna kemur: í stafrænt pósthólf í miðlægri þjónustugátt stjórnvalda.

54. gr.

Við 1. mgr. 36. gr. laganna bætist: að því frátöldu að ekki er heimilt að mæta til framhalds uppboðs um fjarfundarbúnað.

55. gr.

Í stað 2. málsl. 1. mgr. 41. gr. laganna koma þrír nýir málsliðir, svohljóðandi: Boðunin skal send í stafrænt pósthólf í miðlægri þjónustugátt stjórnvalda, í ábyrgðarbréfi eða á annan sannanlegan hátt. Sýslumaður getur heimilað málsaðilum að mæta til fyrirtökunnar um fjarfundarbúnað, með hljóði og mynd ef þess er kostur, enda geti allir sem viðstaddir eru fylgst með því sem fram fer. Ráðherra skal með reglugerð kveða nánar á um heimild til að mæta hjá sýslumanni um fjarfundarbúnað.

56. gr.

Í stað orðsins „afrit“ í 2. málsl. 2. mgr. 44. gr. laganna kemur: eintak.

57. gr.

Við 48. gr. laganna bætist ný málsgrein, svohljóðandi:

Sýslumaður getur heimilað hlutaðeigandi að mæta til fyrirtöku skv. 2. mgr. um fjarfundarbúnað, með hljóði og mynd ef þess er kostur, enda geti allir sem viðstaddir eru fylgst með því sem fram fer. Ráðherra skal með reglugerð kveða nánar á um heimild til að mæta hjá sýslumanni um fjarfundarbúnað.

58. gr.

Við 52. gr. laganna bætist ný málsgrein, svohljóðandi:

Sýslumaður getur heimilað hlutaðeigandi að mæta til fundar skv. 1. mgr. um fjarfundarbúnað, með hljóði og mynd ef þess er kostur, enda geti allir sem viðstaddir eru fylgst með því sem fram fer. Ráðherra skal með reglugerð kveða nánar á um heimild til að mæta hjá sýslumanni um fjarfundarbúnað.

59. gr.

Í stað orðsins „Afrit“ í 3. málsl. 2. mgr. 59. gr. laganna kemur: Eintök.

60. gr.

Í stað orðsins „bréflega“ í 2. málsl. 2. mgr. 66. gr. laganna kemur: skriflega.

61. gr.

Í stað orðanna „eftirrit framlagðra gagna og endurrit úr gerðabók“ í 4. málsl. 3. mgr. 73. gr. laganna kemur: eintök framlagðra gagna og gerðabókar.

62. gr.

Eftirfarandi breytingar verða á 81. gr. laganna:

1. Í stað orðanna „eftirrit gagna sem hafa verið lögð fram við nauðungarsöluna og endurrit úr gerðabók“ í 1. málsl. 2. mgr. kemur: eintök gagna sem hafa verið lögð fram við nauðungarsöluna og gerðabókar.
2. Í stað orðsins „afrit“ í 1. málsl. 3. mgr. kemur: eintak.

63. gr.

Eftirfarandi breytingar verða á 4. mgr. 82. gr. laganna:

1. Við 1. málsl. bætist: eða í stafrænu pósthólfi í miðlægri þjónustugátt stjórnvalda.
2. Við bætast tveir nýir málsliðir, svohljóðandi: Birting í stafrænu pósthólfi í miðlægri þjónustugátt stjórnvalda telst réttilega hafa farið fram þegar málsaðilar hafa staðfest móttöku boðunar. Um birtingu í stafrænu pósthólfi fer að öðru leyti eftir lögum um stafrænt pósthólf í miðlægri þjónustugátt stjórnvalda.

64. gr.

Lög þessi öðlast þegar gildi.

A deild — Útgáfudagur: 25. mars 2026