Í samræmi við 6. gr. laga nr. 78/2002 um niðurgreiðslur húshitunarkostnaðar, með síðari breytingum, og fjárlög fyrir árið 2018 hefur ferðamála-, iðnaðar- og nýsköpunarráðherra ákveðið fjárhæð niðurgreiðslna sem hér segir:

	a)	Niðurgreiðsla á raforku til húshitunar:
		á veitusvæði HS veitna	5,68 kr./kWst.,
		á veitusvæði Orkubús Vestfjarða í dreifbýli	8,19 kr./kWst.,
		á veitusvæði Orkubús Vestfjarða í þéttbýli	5,79 kr./kWst.,
		á veitusvæði Rafveitu Reyðarfjarðar	5,12 kr./kWst.,
		á veitusvæði RARIK í dreifbýli	8,71 kr./kWst.,
		á veitusvæði RARIK í þéttbýli	5,27 kr./kWst.,
		á veitusvæði Veitna ohf.	5,53 kr./kWst.,
		á veitusvæði Norðurorku	5,32 kr./kWst.
	b)	Niðurgreiðsla á vatni frá kyntum hitaveitum:
		RARIK	4,00 kr./kWst.,
		Orkubú Vestfjarða	3,78 kr./kWst.,
		HS veitur	138,40 kr./m³ (3,05 kr./kWst.).
	c)	Niðurgreiðsla á olíu til húshitunar.
		Niðurgreiðsla á olíu til húshitunar tekur mið af meðaltali niðurgreidds raforkuverðs til húshitunar í dreifbýli, nýtni olíuhitunarkerfis og olíuverðs á hverjum ársfjórðungi samkvæmt útreikningum Orkustofnunar.
	d)	Niðurgreiðsla á framleiðslu raforku til húshitunar utan almenns dreifikerfis.
		Niðurgreiðsla á framleiðslu raforku til húshitunar utan almenns dreifikerfis skal vera 2,0 kr./kWst.

Í samræmi við 6. gr. laga nr. 78/2002 um niðurgreiðslur húshitunarkostnaðar og fjárlög fyrir árið 2018 hefur ferðamála-, iðnaðar- og nýsköpunarráðherra ákveðið að hámarksfjöldi niðurgreiddra kWst./ári til hitunar verði 40.000 kWst. sem svarar til 888 m³/ári hjá kyntum hitaveitum og 4.480 lítrar af olíu á ári hjá þeim sem hita með olíu.

Fjárhæðir niðurgreiðslna til húshitunar samkvæmt auglýsingu þessari taka gildi frá og með 1. apríl 2018.

Atvinnuvega- og nýsköpunarráðuneytinu, 22. mars 2018.

F. h. ferðamála-, iðnaðar- og nýsköpunarráðherra

Ingvi Már Pálsson.

Hreinn Hrafnkelsson.

B deild - Útgáfud.: 11. apríl 2018