1. gr.

Eftirfarandi breytingar verða á 113. gr. reglnanna:

1. 3. málsl. 14. mgr. orðast svo: Umsækjendum sem ekki ná lágmarkseinkunninni stendur til boða að leggja stund á hagnýtt nám í íslensku, að því gefnu að þeir uppfylli kröfur um ensku, og geti með því aflað undirbúnings fyrir inntökupróf í BA-nám í íslensku sem annað mál.
2. Á eftir 3. málsl. 14. mgr. bætist við nýr málsliður, 4. málsl., svohljóðandi:
   Nemendur sem útskrifast úr hagnýtu námi í íslensku sem öðru máli við Háskóla Íslands frá og með árinu 2022 þurfa ekki að taka inntökupróf ef meðaltal einkunna er 7,25 eða hærra.
3. Á eftir 14. mgr. bætist við ný málsgrein, 15. mgr., svohljóðandi: Sérstakt inntökupróf er haldið fyrir umsækjendur um nám í íslenskustoð. Inntökuprófið er að jafnaði haldið í júní. Þeir sem ná lágmarkseinkunninni 6,0 á inntökuprófinu öðlast rétt til að hefja nám í íslenskustoð. Umsækjendum sem ekki ná lágmarkseinkunninni stendur til boða að leggja stund á hagnýtt nám í íslensku, að því gefnu að þeir uppfylli kröfur um enskukunnáttu, og geta með því undirbúið sig fyrir inntökuprófið í íslenskustoð. Nemendur sem útskrifast úr hagnýtu námi í íslensku sem öðru máli við Háskóla Íslands frá og með árinu 2022 þurfa ekki að taka inntökupróf ef meðaltal einkunna er 7,25 eða hærra.
4. 15. mgr., sem verður 16. mgr., orðast svo: Sérstakt inntökupróf er jafnframt haldið fyrir umsækjendur um nám í námsleiðinni íslenska sem annað mál – hagnýtt nám. Inntökuprófið er að jafnaði haldið í júní fyrir umsækjendur sem búsettir eru á Íslandi en í mars fyrir umsækjendur sem búsettir eru erlendis. Þeir sem ná lágmarkseinkunninni 6,0 á inntökuprófinu öðlast rétt til að hefja námið.

2. gr.

Reglur þessar, sem samþykktar hafa verið í háskólaráði Háskóla Íslands, eru settar í samræmi við lög um opinbera háskóla, nr. 85/2008, og öðlast þegar gildi.

B deild — Útgáfudagur: 27. nóvember 2025