Flatahverfi á Hvanneyri, óveruleg breyting á deiliskipulagi.

Sveitarstjórn Borgarbyggðar samþykkti óverulega breytingu á deiliskipulagi Flatahverfis á Hvanneyri á fundi sínum 12. febrúar 2026. Breytingin varðar lóðir við Hrafnaflöt og húsgerð nr. 2. Eftir breytingu verður heimilt að byggja þriggja íbúða raðhús við Hrafnaflöt 2, 4 og 6 í stað fjögurra. Raðhús við Hrafnaflöt 1, 3 og 5 verða áfram með þremur íbúðum en byggingarreitur hliðrast. Lóðir við Hrafnaflöt verða tvær í stað sjö en í stað einstakra lóða verða skilgreindir sérafnotareitir. Auk þess eru gerðar breytingar á skipulags- og byggingarskilmálum varðandi aðgengi, fjölda íbúða, bílageymslu og sérafnotareiti.

Deiliskipulagsbreytingin hefur hlotið þá meðferð sem skipulagslög nr. 123/2010 kveða á um og öðlast þegar gildi.

B deild — Útgáfudagur: 3. mars 2026