1. gr. Gildissvið.

Reglur þessar gilda um starfsemi innlendra vátryggingafélaga og starfsemi erlendra vátryggingafélaga hér á landi, sbr. 2. og 3. gr. laga nr. 100/2016 um vátryggingastarfsemi.

2. gr. Verklag sem fylgja skal við mat á lánshæfismati utanaðkomandi aðila.

Í 8. mgr. 44. gr. laga um vátryggingastarfsemi nr. 100/2016 segir að noti vátryggingafélag lánshæfismat lánshæfismatsstofnunar við útreikning á vátryggingaskuld og gjaldþolskröfu skuli það vera hluti af áhættustýringu félagsins að meta hvort lánshæfismatið eigi við með því að nota aðrar aðferðir við mat verði því við komið í því skyni að draga úr sjálfvirkum áhrifum utanaðkomandi aðila. Reglur þessar eru settar til að innleiða tæknilega staðla sem mæla fyrir um verklag sem fylgja skal við mat á því hvort lánshæfismat utanaðkomandi aðila sé viðeigandi.

3. gr. Innleiðing reglugerðar.

Með reglum þessum öðlast gildi hér á landi framkvæmdarreglugerð framkvæmdastjórnarinnar (ESB) 2015/2015 frá 11. nóvember 2015 um tæknilega framkvæmdarstaðla um verklag sem fylgja skal við mat á lánshæfismati utanaðkomandi aðila í samræmi við tilskipun Evrópuþingsins og ráðsins 2009/138/EB. Framkvæmdarreglugerð framkvæmdastjórnarinnar (ESB) 2015/2015 er birt í EES-viðbæti við Stjórnartíðindi Evrópusambandsins nr. 29 frá 3. maí 2018, bls. 31-32.

4. gr. Gildistaka.

Reglur þessar eru settar samkvæmt heimild í 9. mgr. 44. gr. laga um vátryggingastarfsemi nr. 100/2016. Reglurnar öðlast þegar gildi.

Fjármálaeftirlitinu, 25. júní 2018.

Unnur Gunnarsdóttir.

Rúnar Guðmundsson.

B deild - Útgáfud.: 9. júlí 2018