1. gr. Gildissvið.

Reglur þessar gilda um fjármálafyrirtæki þegar það gerir samning um fjárstuðning innan samstæðu, sbr. 109. gr. a – 109. gr. f laga um fjármálafyrirtæki, nr. 161/2002.

2. gr. Form og efni opinberrar birtingar upplýsinga um fjárstuðning innan samstæðu.

Samkvæmt 1. mgr. 109. gr. f laga um fjármálafyrirtæki, nr. 161/2002, skal fjármálafyrirtæki birta opinberlega upplýsingar um samning um fjárstuðning innan samstæðu.

Reglur þessar eru settar til að innleiða framkvæmdarreglugerð framkvæmdastjórnarinnar (ESB) 2016/911 frá 9. júní 2016 þar sem kveðið er á um form og efni upplýsinga sem fjármálafyrirtæki skal birta opinberlega um samning um fjárstuðning innan samstæðu, sbr. 3. gr.

3. gr. Innleiðing reglugerðar.

Með reglum þessum öðlast gildi framkvæmdarreglugerð framkvæmdastjórnarinnar (ESB) 2016/911 frá 9. júní 2016 um tæknilega framkvæmdarstaðla að því er varðar form og efni lýsinga á samningum um fjárstuðning innan samstæðu í samræmi við tilskipun Evrópuþingsins og ráðsins 2014/59/ESB, sem tekin var upp í EES-samninginn með ákvörðun sameiginlegu EES-nefndarinnar nr. 19/2019 frá 8. febrúar 2019. Reglugerðin er birt í EES-viðbæti við Stjórnartíðindi Evrópusambandsins nr. 26 frá 23. apríl 2020, bls. 703-705.

4. gr. Gildistaka.

Reglur þessar, sem settar eru með heimild í 2. mgr. 109. gr. f laga um fjármálafyrirtæki, nr. 161/2002, taka gildi þegar í stað.

Seðlabanki Íslands, 23. mars 2021.

Ásgeir Jónsson seðlabankastjóri.

Rannveig Júníusdóttir, frkvstj. skrifstofu bankastjóra.

B deild - Útgáfud.: 9. apríl 2021