1. gr.

Sveitarfélagið Árborg annast sorphirðu frá öllu íbúðarhúsnæði í sveitarfélaginu. Bæjarstjórn Sveitarfélagsins Árborgar er heimilt að leggja á sérstakt sorphirðugjald samkvæmt samþykkt um meðhöndlun úrgangs í Sveitarfélaginu Árborg nr. 115/2010.

2. gr.

Sorphirðugjald fyrir íbúðir er árlega sem hér greinir:

Gjaldtegund	120 l spartunna	140 l spartunna og brúntunna	240 l tunna
Sorphreinsunargjald	28.500 kr.	28.500 kr.	28.500 kr.
Sorpeyðingargjald	23.430 kr.	27.335 kr.	36.500 kr.
Samtals	52.000 kr.	55.835 kr.	65.000 kr.

Gjaldið skal innheimt með fasteignagjöldum og er gjalddagi sorpgjalds hinn sami og fasteignagjalda. Sorpgjaldið nýtur lögveðsréttar í lóð og mannvirkjum næstu tvö ár eftir gjalddaga með forgangsrétti fyrir hvers konar samningsveði og aðfararveði.

Innifalið í sorphirðugjaldi er móttaka á gjaldfrjálsu flokkuðu sorpi til eyðingar og endurvinnslu á gámasvæði Sveitarfélagsins Árborgar.

Innifalið í sorphirðugjaldi er móttaka á heimilissorpi allt að 0,5 m³ á gámasvæði Sveitarfélagsins Árborgar.

Innifalið í sorphirðugjaldi er móttaka á gleri og blátunnuefni í grenndarstöðvar í sveitarfélaginu.

Frá og með 1. janúar 2021 verður ekki hægt að kaupa 120 l heldur verður þess í stað boðið upp á 140 l spartunnu.

Íbúar geta skilað allt að ½ rúmmetra af heimilissorpi á dag til móttökustöðvarinnar gjaldfrjálst.

Af sorpgjaldi vegna sumarhúsa og annars íbúðarhúsnæðis í sveitarfélaginu sem nýtt er til tímabundinnar dvalar, án fastrar búsetu, er heimilt að veita allt að 50% afslátt.

Önnur gjöld:

Pokagjald: Sérmerktir sorppokar	480	kr./stk.
Tunnugjald: Nýjar 140 l tunnur	10.560	kr./ílát
Tunnugjald: Nýjar 240 l tunnur	13.530	kr./ílát
Tunnugjald: Ný 600 l ker	43.000	kr./ílát
Samsetningar- og útkeyrslugjald	2.500	kr./ílát
Tunnufesting	3.800	kr./stk.
Teygjufesting á lok í lausasölu	800	kr./stk.
Teygjufesting á lok sett á nýjar tunnur	1.000	kr./stk.

Pokagjald, tunnugjald og/eða samsetningar- og útkeyrslugjald greiðist við afhendingu.

Samsetningar- og útkeyrslugjald greiðist við afhendingu nýrra tunna og ef skipt er milli stærða.

Sé tunnu skipt út fyrir aðra stærð er eldri tunna tekin upp í nýja tunnu. Verð eldri tunnu miðast við verð á nýrri tunnu að frádreginni afskriftarupphæð sem nemur 1/10 fyrir hvert ár sem liðið er frá því notkun hófst.

Sé tunnum fækkað og tunnu skilað er hún innleyst á upprunalegu verði að frádreginni afskriftarupphæð sem nemur 1/10 fyrir hvert ár sem liðið er frá því að notkun hófst.

3. gr.

Gjaldskrá vegna móttökustöðvar í Sveitarfélaginu Árborg (gámastöðvar) skal vera með eftirfarandi hætti, virðisaukaskattur innifalinn:

Óflokkað	Kr./kg m.vsk
Blandaður úrgangur: Að mestu úrgangur sem fer ekki í skilgreindan endurvinnsluferil og þarfnast ekki sérstakrar meðhöndlunar í böggun	52
Grófur úrgangur: Úrgangur sem þarf að flokka og vinna sérstaklega fyrir böggun og aðra meðhöndlun. Sem dæmi: teppi, dýnur, kaðlar, net, húsgögn, jarðvegur, málmar og gifs	58
Flokkað	Kr./kg
Steinefni frá framkvæmdum: Postulín, flísar, keramik og gler Timbur: Hvítmálað, plasthúðað og blandað Ólitað timbur, trjábolir og greinar (ekki hvítmálað og án aðskotahluta) Hey, trjáafklippur, gras, hálmur og arfi Dagblöð/tímarit Skrifstofupappír og hvítur afskurður frá prentsmiðju Málmar:	23 29 16 0 11 12 0
Úrgangur sem ber úrvinnslugjald:	Kr./kg
Umbúðir úr sléttum pappa Plastumbúðir Heyrúlluplast Bylgjupappi Hjólbarðar Raftæki Spilliefni	0 35 0 0 0 0 0
Annað:	Kr./kg
Smádýrahræ og sláturúrgangur (lágmark 2.000 kr. við afgreiðslu)	232
Húsdýraúrgangur	15
Ómengaður úrgangur til urðunar, t.d. jarðvegur, steinefni.	25
Jarðefni til afhendingar:	Kr./kg
Mulningur 0-25	3,43
Drenmöl 10-25	4,18
N. sandur 0-8	3,16
Fjörusandur á gámasvæði	2,44
Sandur úr Eyrarbakkafjöru – afgreiddur í fjörunni	1.400 kr./m³

Lágmarkskomugjald er 600 kr.

Lágmarksgjald fyrir eðlislétt sorp (t.d. einangrunarplast) er 1.140 kr./m³.

4. gr.

Gjaldskrá þessi, sem er samin og samþykkt af bæjarstjórn Sveitarfélagsins Árborgar, staðfestist hér með, skv. 59. gr. laga nr. 7/1998 um hollustuhætti og mengunarvarnir, með síðari breytingum og öðlast gildi þegar í stað.

Jafnframt fellur úr gildi gjaldskrá fyrir sorphirðu í Sveitarfélaginu Árborg, nr. 1565/2020.

Þannig samþykkt í bæjarstjórn 15. desember 2021.

Gísli Halldór Halldórsson bæjarstjóri.

B deild - Útgáfud.: 6. janúar 2022