Handhafar valds forseta Íslands
  samkvæmt 8. gr. stjórnarskrárinnar
forsætisráðherra, forseti Alþingis og forseti Hæstaréttar,
gjöra kunnugt: Alþingi hefur fallist á lög þessi og vér staðfest þau með samþykki voru:

I. KAFLIBreyting á lögum um meðferð sakamála, nr. 88/2008.

1. gr.

Á eftir 1. mgr. 55. gr. laganna kemur ný málsgrein, svohljóðandi:

Fjármálafyrirtækjum og öðrum sambærilegum þjónustuveitendum er skylt að láta ákæranda í té, komi fram krafa þess efnis, upplýsingar eða gögn, án gjalds og í því formi sem óskað er, þótt þau séu háð þagnarskyldu, enda megi ætla að upplýsingarnar eða gögnin hafi sönnunargildi við rannsókn sakamáls.

2. gr.

Í stað orðanna „eða að þeir kunni að verða gerðir upptækir“ í 1. málsl. 1. mgr. 68. gr. laganna kemur: þeir kunni að verða gerðir upptækir eða settir til tryggingar greiðslu sektar eða sakarkostnaðar.

3. gr.

Við 88. gr. laganna bætist ný málsgrein, svohljóðandi:

Þrátt fyrir ákvæði 1. mgr. 21. gr. laga um kyrrsetningu, lögbann o.fl., nr. 31/1990, víkur kyrrsetning skv. 1. mgr. ekki fyrir fjárnámi í kyrrsettri eign.

II. KAFLIBreyting á lögreglulögum, nr. 90/1996.

4. gr.

4. mgr. 8. gr. laganna orðast svo:

4. Héraðssaksóknari skal starfrækja einingu sem vinnur að endurheimt og upptöku ávinnings af hvers kyns refsiverðri háttsemi og hefur umsjón með haldlögðum, kyrrsettum og upptækum eignum og munum í samræmi við reglur sem ráðherra setur. Í því skyni skal einingin hafa gagnkvæmt samstarf við önnur lögregluembætti og stjórnvöld.

III. KAFLIBreyting á almennum hegningarlögum, nr. 19/1940.

5. gr.

1. mgr. 69. gr. laganna orðast svo:

Gera má upptækan ávinning af broti og muni sem keyptir eru fyrir ávinninginn eða komið hafa í stað hans. Jafnframt má gera upptæka fjárhæð eða önnur haldlögð verðmæti eða dæma viðkomandi til greiðslu fjárhæðar sem svarar til ávinnings í heild eða að hluta. Þegar ekki er unnt að færa fullar sönnur á fjárhæð ávinnings er heimilt að áætla fjárhæðina.

6. gr.

Eftirfarandi breytingar verða á 69. gr. b laganna:

1. Við 2. tölul. 1. mgr. bætist: eða varðar refsingu skv. 175. gr. a.
2. Á eftir orðinu „fjárhæð“ í 5. mgr. kemur: eða dæma viðkomandi til greiðslu fjárhæðar.

7. gr.

5. mgr. 69. gr. d laganna fellur brott.

8. gr.

Eftirfarandi breytingar verða á 69. gr. f laganna:

1. 3. mgr. fellur brott.
2. Í stað orðanna „má þá gera þau upptæk“ í 4. mgr. kemur: renna þau þá í ríkissjóð.

9. gr.

Á eftir 69. gr. g laganna kemur ný grein, 69. gr. h, svohljóðandi:

Ef ekki er vitað hver hefur gerst brotlegur, hver er eigandi eða handhafi eigna eða réttinda eða viðkomandi er látinn eða hefur ekki þekktan dvalarstað hér á landi má beita upptöku án þess að nokkur sé ákærður með úrskurði skv. XXVII. kafla laga um meðferð sakamála.

IV. KAFLIBreyting á lögum um fullnustu refsinga, nr. 15/2016.

10. gr.

Við 92. gr. laganna bætist ný málsgrein, svohljóðandi:

Um innheimtu upptækra fjármuna skv. VII. kafla A almennra hegningarlaga fer eftir 1. mgr. 87. gr.

11. gr.

Í stað orðanna „og sakarkostnað“ í 1. mgr. 93. gr. laganna kemur: sakarkostnað og upptæka fjármuni.

12. gr.

Í stað orðanna „rannsókn hófst“ í 1. mgr. 94. gr. laganna kemur: málinu lýkur.

V. KAFLIBreyting á lögum um aðgerðir gegn peningaþvætti og fjármögnun hryðjuverka, nr. 140/2018.

13. gr.

3. mgr. 37. gr. a laganna orðast svo:

Starfsmenn skrifstofu fjármálagreininga lögreglu og eftirlitsaðila samkvæmt lögum þessum skulu hafa aðgang að skránni í þeim tilgangi að uppfylla skyldur sínar samkvæmt lögunum. Þá skulu starfsmenn annarra stjórnvalda hafa aðgang að skránni til að sinna lögbundnu hlutverki sínu við að koma í veg fyrir, koma upp um, rannsaka eða saksækja fyrir brot sem varða peningaþvætti og fjármögnun hryðjuverka.

IV. KAFLIBreyting á lögum um innheimtu opinberra skatta og gjalda, nr. 150/2019.

14. gr.

Við 3. mgr. 14. gr. laganna bætist nýr málsliður, svohljóðandi: Þrátt fyrir ákvæði 1. mgr. 21. gr. laga um kyrrsetningu, lögbann o.fl., nr. 31/1990, víkur kyrrsetning skv. 1. mgr. ekki fyrir fjárnámi í kyrrsettri eign.

15. gr.

Lög þessi öðlast þegar gildi.

A deild — Útgáfudagur: 27. nóvember 2025