1. gr. Gjöld samkvæmt samþykkt þessari.

Lóðarhafar og framkvæmdaaðilar í Fljótsdalshreppi greiða sveitarsjóði eftirtalin gjöld samkvæmt samþykkt þessari:

1. Byggingarleyfisgjald.
2. Afgreiðslu- og þjónustugjöld vegna mannvirkjamála.
3. Framkvæmdaleyfisgjöld.
4. Gjöld vegna vinnu eða breytinga á skipulagsáætlunum.

2. gr. Byggingarleyfisgjald.

Innheimta skal byggingarleyfisgjald fyrir hverja þá framkvæmd sem byggingarleyfi er gefið út fyrir.

Byggingarleyfisgjald er grunngjald, að viðbættu gjaldi pr. m³ byggingar. Þó skal ekki innheimta byggingarleyfisgjald fyrir byggingar sem eru 10 m² eða minni, nema um viðbyggingar sé að ræða.

Innifalið í byggingarleyfisgjaldi er lögboðin meðferð byggingarleyfiserinda, lóðarblöð, yfirferð teikninga, útmæling fyrir húsi og hæðarkóta og reglubundið eftirlit, eftir því sem við á.

	Tegund byggingar/framkvæmdar	Grunngjald, kr.	Gjald pr. m³, kr.	Athugasemdir
A	Íbúðarhúsnæði og stakar byggingar á íbúðarlóðum, stærri en 15 m²	15.000	150	Nýbyggingar og breytingar á eldra húsnæði
B	Byggingar á athafna-, verslunar- og iðnaðarsvæðum	30.000	200
C	Byggingar á svæðum fyrir frístundahús	15.000	150
D	Byggingar á landbúnaðarsvæðum, aðrar en íbúðarhús og hús til gistireksturs	15.000	100	Rúmmetragjald pr. m³ upp að 1.000 m³
E	Byggingarleyfi vegna sólpalla, loftneta, girðinga, minni háttar breytingar á húsnæði o.þ.h.	15.000	0
F	Gjald vegna leyfisskylds niðurrifs mannvirkja	15.000	0
G	Endurnýjun byggingarleyfis (óbreytt endurnýjun)	15.000	0

3. gr. Afgreiðslu- og þjónustugjöld vegna mannvirkjamála.

Gjalddagi afgreiðslu- og þjónustugjalda vegna mannvirkjamála miðast við útgáfu viðkomandi vottorða og ákveðst samhliða því að önnur þjónusta er veitt.

	Tegund þjónustu	Gjald, kr.	Athugasemdir
1	Útgáfa stöðuleyfis	15.000	Eftirlit og úttekt byggingarfulltrúa sem leiðir af veitingu stöðuleyfis fyrir hjólhýsi, gáma o.þ.h.
2	Framlenging stöðuleyfis	7.500	Stöðuleyfi er aðeins veitt til 1 árs í senn
3	Vottorð um byggingarstig	15.000
4	Aukavottorð um byggingarstig og stöðuúttekt	15.000
5	Lokavottorð og lokaúttekt	30.000	Krónur 30.000 fyrir hús á svæðum fyrir verslun og þjónustu, opinberar byggingar, iðnað og athafnasvæði. 50% lægra gjald fyrir aðrar byggingar
6	Afgreiðsla eignaskiptayfirlýsingar	15.000
7	Vottorð vegna vínveitingaleyfa	15.000
8	Endurskoðun aðaluppdrátta	15.000
9	Stofnun lóða	20.000
10	Aukaúttekt byggingarfulltrúa	15.000
11	Úttekt vegna útleigu húsnæðis	15.000
12	Skannaðar eða ljósritaðar teikningar. Stærri blöð en A4	800	Á einnig við um teikningar sem sendar eru rafrænt
13	Önnur þjónusta byggingarfulltrúa	15.000	Tímagjald byggingarfulltrúa og/eða aðkeypt vinna, skv. reikningi

4. gr. Framkvæmdaleyfisgjöld.

Innheimta skal framkvæmdaleyfisgjald fyrir hverja þá framkvæmd sem framkvæmdaleyfi er gefið út fyrir. Gjaldið má ekki nema hærri upphæð en nemur kostnaði við undirbúning og útgáfu leyfisins og eftirlitið, svo sem vegna nauðsynlegrar aðkeyptrar þjónustu.

Framkvæmdaleyfisgjald samkvæmt eftirfarandi töflu eru innheimt við útgáfu framkvæmdaleyfis. Gjalddagi eftirlitsgjalds er í kjölfar eftirlits:

	Tegund þjónustu	Gjald, kr.	Athugasemdir
16	Kostnaður vegna framkvæmdaleyfis:
16.1	Afgreiðslugjald	3.000
16.2	Framkvæmdaleyfi – framkvæmdir skv. 1. og 2. viðauka laga um mat á umhverfisáhrifum nr. 106/2000, viðmiðunargjald	120.000	Gjald er reiknað í hverju tilviki út frá áætluðu umfangi framkvæmdar. Gjald skal standa undir kostnaði við útgáfu leyfis og eftirliti með framkvæmd
16.3	Framkvæmdaleyfi – aðrar framkvæmdir, viðmiðunargjald	60.000	Gjald er áætlað í hverju tilviki út frá áætluðu umfangi framkvæmdar. Gjald skal standa undir kostnaði við útgáfu leyfis og eftirliti með framkvæmd
16.4	Eftirlit umfram eina ferð, sem er innifalin í framkvæmdaleyfisgjaldi	15.000	Tímagjald byggingarfulltrúa og/eða aðkeypt vinna, skv. reikningi

5. gr. Gjöld vegna breytinga á skipulagsáætlunum.

Sé þörf á að vinna skipulagsáætlun eða gera breytingu á henni vegna leyfisskyldra framkvæmda getur sveitarstjórn innheimt gjald fyrir skipulagsvinnu sem nauðsynleg er vegna þeirrar framkvæmdar, samkvæmt eftirfarandi töflu. Gjaldið skal ekki nema hærri upphæð en nemur kostnaði við skipulagsgerðina og kynningu og auglýsingu skipulagsáætlunar og eru einstakir gjaldaliðir því settir fram til viðmiðunar. Gjalddagi gjalda vegna skipulagsáætlana miðast við það þegar vinna fer fram og/eða kostnaður fellur til.

	Tegund þjónustu	Gjald, kr.	Athugasemdir
5.1	Kostnaður vegna aðalskipulagsbreytinga:
5.11	Afgreiðslugjald	6.000
5.12	Breyting á aðalskipulagsuppdrætti, sbr. gr. 4.8.2., viðmiðunargjald	120.000	Viðmiðunargjald
5.13	Umsýslu- og auglýsingakostnaður, sbr. gr. 4.8.2	80.000
5.14	Umsýslu- og auglýsingakostnaður, sbr. gr. 4.8.3	80.000
5.2	Kostnaður vegna deiliskipulags:
5.21	Afgreiðslugjald	6.000
5.22	Nýtt deiliskipulag, sbr. gr. 5.3		Aðkeypt vinna samkvæmt reikningi
5.23	Umsýslu- og auglýsingakostnaður, sbr. gr. 5.6	80.000
5.24	Breytingar á deiliskipulagsuppdrætti, sbr. gr. 5.8.1 og gr. 5.9.6		Aðkeypt vinna samkvæmt reikningi
5.25	Umsýslu- og auglýsingakostnaður vegna verulegra breytinga, sbr. gr. 5.8.1	80.000
5.26	Umsýslu- og auglýsingakostnaður vegna óverulegra breytinga, sbr. gr. 5.8.2	60.000
5.27	Grenndarkynning vegna breytingar á deiliskipulagsuppdrætti	30.000
5.3	Kostnaður vegna grenndarkynningar:
5.31	Grenndarkynning	30.000

6. gr. Ýmis ákvæði.

Öll gjöld samkvæmt samþykkt þessari eru miðuð við vísitölu byggingarkostnaðar í júlí 2016 (grunnur 2010, 128,0 stig). Endurreikna skal gjöldin í upphafi hvers almanaksárs, á grundvelli vísitölu byggingarkostnaðar í janúar og skal sá útreikningur gilda til loka viðkomandi árs.

Upphæð gjalda samkvæmt 4. gr. skal taka mið af kostnaði við þjónustu og einstök verkefni og skal byggð á áætlun þar sem rökstudd eru þau atriði sem ákvörðun gjalds byggist á. Gjaldið má ekki vera hærra en sá kostnaður.

Öll gjöld samkvæmt samþykkt þessari eru ásamt áföllnum vöxtum og kostnaði, tryggð með lögveðsrétti í viðkomandi fasteign og eru aðfararhæf samkvæmt 10. tl. 1. mgr. laga um aðför nr. 90/1989. Framkvæmdaleyfisgjöld og gjöld vegna skipulagsvinnu njóta þó ekki lögveðsréttar. Séu gjöld ekki greidd á eindaga skulu reiknast dráttarvextir frá gjalddaga, skv. ákvæðum laga nr. 38/2001 um vexti og verðtryggingu.

7. gr. Samþykkt og gildistaka.

Byggingarleyfisgjald og afgreiðslu- og þjónustugjöld vegna mannvirkjamála byggja á 51. gr. laga um mannvirki nr. 160/2010.

Gjöld vegna framkvæmdaleyfa og vinnu við skipulagsáætlanir byggja á skipulagslögum nr. 123/2010, sbr. 20. gr. laganna, sbr. einnig 18. gr., sbr. 2. mgr. 38. gr. laganna.

Samþykkt þessi öðlast gildi við birtingu auglýsingar í B-deild Stjórnartíðinda. Jafnframt fellur úr gildi gjaldskrá nr. 188/2004.

Samþykkt í sveitarstjórn Fljótsdalshrepps, 6. september 2016.

Gunnþórunn Ingólfsdóttir oddviti.

B deild - Útgáfud.: 28. september 2016