Óveruleg breyting á deiliskipulagi Kapelluhrauns, 2. áfanga, vegna lóðarinnar Stálhellu 18.

Í samræmi við skipulagslög samþykkti afgreiðslufundur skipulagsfulltrúa 27. maí 2026 í samræmi við heimildir til embættismannaafgreiðslu, að málsmeðferð breytingarinnar fari skv. 3. mgr. 44. gr. skipulagslaga nr. 123/2010.

Fallið var frá grenndarkynningu þar sem sýnt var að breytingin varði ekki hagsmuni annarra en sveitarfélagsins og umsækjanda.

Breytingin felst í að nýtingarhlutfall lóðarinnar Stálhellu 18 er 0,5 fyrir hús á einni hæð og allt að 0,6 fyrir hús á tveimur hæðum. Að öðru leyti gilda eldri skilmálar.

Deiliskipulagsbreytingin hefur hlotið þá meðferð sem skipulagslög nr. 123/2010 mæla fyrir um. Deiliskipulagið öðlast þegar gildi.

B deild — Útgáfudagur: 12. júní 2026