Breyting á deiliskipulagi – iðnaðarsvæði Reykjavíkurvegar vegna Dalshrauns 8.

Í samræmi við skipulagslög nr. 123/2010 var samþykkt á afgreiðslufundi skipulagsfulltrúa 25. júní 2025 breyting á deiliskipulagi iðnaðarsvæðis Reykjavíkurvegar vegna Dalshrauns 8. Í breytingunni felst að heimilað verður að reisa allt að 270 m² viðbyggingu á einni hæð fyrir bílaþvottastöð á lóðinni. Aðkoma að þvottastöðinni verður frá Stakkahrauni og útkeyrsla til norðurs út á Dalshraun. Nýtingarhlutfall lóðarinnar hækkar úr 0,37 í 0,41. Málsmeðferð var skv. 2. mgr. 43. gr. ofangreindra laga.

Breyting á deiliskipulagi Vesturbæjar vegna Tunguvegar 3.

Í samræmi við skipulagslög nr. 123/2010 var samþykkt á afgreiðslufundi skipulagsfulltrúa 25. júní 2025 breyting á deiliskipulagi Vesturbæjar vegna Tunguvegar 3. Breytingin felst í því að bætt er við heimild til að hækka lofthæð núverandi iðnaðarhluta/bakhúss. Málsmeðferð var skv. 2. mgr. 43. gr. ofangreindra laga.

Uppdrættir ásamt greinargerð og skipulagsskilmálum hafa hlotið þá meðferð sem ofangreind lög mæla fyrir um. Deiliskipulagið öðlast þegar gildi.

B deild — Útgáfudagur: 10. júlí 2025