1. gr. Gildissvið.

Reglur þessar gilda um evrópska langtímafjárfestingarsjóði og rekstraraðila þeirra sem hafa staðfestu eða eru markaðssettir hér á landi samkvæmt lögum nr. 115/2022 um evrópska langtímafjárfestingarsjóði. Reglurnar mæla fyrir um nánari framkvæmd reglugerðar (ESB) 2015/760 um evrópska langtímafjárfestingarsjóði.

2. gr. Afleiður til áhættuvarna.

Um viðmið um þær aðstæður þar sem fjármálaafleiður þjóna eingöngu þeim tilgangi að vera vörn gegn áhættu sem er innbyggð í fjárfestingar sjóðs, sbr. 9. gr. reglugerðar (ESB) 2015/760, fer eftir framseldri reglugerð framkvæmdastjórnar (ESB) 2018/480, sbr. 6. gr.

3. gr. Nægilegur líftími evrópsks langtímafjárfestingarsjóðs.

Um það við hvaða aðstæður líftími evrópsks langtímafjárfestingarsjóðs telst nægjanlega langur til að ná yfir lífsferil hverrar einstakrar eignar sjóðsins, sbr. 18. gr. reglugerðar (ESB) 2015/760, fer eftir framseldri reglugerð framkvæmdastjórnar (ESB) 2018/480, sbr. 6. gr.

4. gr.

Viðmiðanir fyrir mat á markaði fyrir hugsanlega kaupendur
og viðmiðanir fyrir mat á virði eigna sem á að losna við.

Um þær viðmiðanir sem nota skal við mat á markaði fyrir mögulega kaupendur og verðmat á þeim eignum sem á að losa um, sbr. 21. gr. reglugerðar (ESB) 2015/760, fer eftir framseldri reglugerð framkvæmdastjórnar (ESB) 2018/480, sbr. 6. gr.

5. gr. Skilgreining á aðstöðu sem standa skal almennum fjárfestum til boða.

Um tegundir og einkenni á aðstöðu fyrir almenna fjárfesta, sbr. 26. gr. reglugerðar (ESB) 2015/760, fer eftir framseldri reglugerð framkvæmdastjórnar (ESB) 2018/480, sbr. 6. gr.

6. gr. Innleiðing reglugerðar.

Með reglum þessum öðlast gildi hér á landi framseld reglugerð framkvæmdastjórnarinnar (ESB) 2018/480 frá 4. desember 2017, um tæknilega eftirlitsstaðla að því er varðar fjármálaafleiðugerninga sem hafa þann eina tilgang að verja gegn áhættu, nægilegan líftíma evrópsku langtímafjárfestingarsjóðanna, viðmiðanir fyrir mat á markaðnum fyrir hugsanlega kaupendur og virði eignanna sem á að losna við og tegundir og einkenni aðstöðunnar sem stendur almennum fjárfestum til boða. Reglugerðin var tekin upp í EES-samninginn með ákvörðun sameiginlegu EES-nefndarinnar nr. 19/2020 frá 7. febrúar 2020. Reglugerðin er birt í EES-viðbæti við Stjórnartíðindi Evrópusambandsins nr. 37 frá 27. maí 2021, bls. 25-29.

7. gr. Gildistaka.

Reglur þessar, sem settar eru með heimild í 1. mgr. 15. gr. laga nr. 115/2022 um evrópska langtímafjárfestingarsjóði, öðlast þegar gildi.

Seðlabanka Íslands, 30. maí 2023.

Ásgeir Jónsson seðlabankastjóri.

Gísli Óttarsson framkvæmdastjóri.

B deild - Útgáfud.: 14. júní 2023