Bjargshverfi, deiliskipulag.

Sveitarstjórn Rangárþings ytra samþykkti 8. október 2025 tillögu að deiliskipulagi fyrir Bjargshverfi, nýtt íbúðarhverfi vestan Ytri-Rangár á Hellu. Gert er ráð fyrir allt að 100 íbúðareiningum í mismunandi tegundum húsa, einbýlis-, par- og raðhúsum. Gerð er grein fyrir tengingum við aðra vegi og samgöngum innan svæðisins. Tengslum við þéttbýlið austan Ytri-Rangár eru gerð skil með áformuðum göngubrúm og göngustígum. Tillagan hefur hlotið skipulagsmeðferð í samræmi við skipulagslög nr. 123/2010 og öðlast þegar gildi.

B deild — Útgáfudagur: 9. janúar 2026