Í samræmi við skipulagslög nr. 123/2010 hefur sveitarstjórn Bláskógabyggðar samþykkt eftirfarandi deiliskipulagsáætlanir:

Deiliskipulagsbreyting, Kolgrafarhólsvegur 17, L232044, Efra-Apavatn, stækkun byggingarreits.

Um er að ræða óverulega breytingu á deiliskipulagi sem tekur til Kolgrafarhólsvegar 17, L232044, í Bláskógabyggð. Í breytingunni felst að byggingarreitur stækkar til norðurs að 50 metra belti frá Grafará.

Samþykkt í sveitarstjórn 4. júní 2025.

Deiliskipulagsbreyting, Tungurimi 14, L234820, Reykholt, breytt nýtingarhlutfall.

Um er að ræða breytingu á deiliskipulagi sem tekur til lóðarinnar Tungurima 14 í Reykholti. Í breytingunni felst að nýtingarhlutfall lóðarinnar verði aukið úr 0,4 í 0,5.

Samþykkt í sveitarstjórn 7. maí 2025.

Ofangreindar deiliskipulagsáætlanir hafa hlotið þá meðferð sem skipulagslög mæla fyrir um og öðlast þegar gildi.

B deild — Útgáfudagur: 1. ágúst 2025