Heysholt og Landborgir, deiliskipulag.

Sveitarstjórn Rangárþings ytra samþykkti 22. október 2025 tillögu að deiliskipulagi fyrir Heysholt og Landborgir. Í deiliskipulagsbreytingunni felst að mörk skipulagssvæðis stækka til norðurs, lóð nr. 8 minnkar úr 4.110 m² í 2.600 m². Byggingarreitur á lóð 8 minnkar, ný lóð fyrir rotþró, 3.300 m², sem tekin er úr landi Heysholts með landeignanúmeri L164975 verður í eigu Landborga og mun tilheyra landeignanúmeri L216516 eftir breytingu. Lóð til síðari nota fyrir frístundabyggð L216515 mun stækka um 3.300 m². Tillagan hefur hlotið skipulagsmeðferð í samræmi við skipulagslög nr. 123/2010 og öðlast þegar gildi.

B deild — Útgáfudagur: 19. desember 2025