Í samræmi við skipulagslög nr. 123/2010 og samkvæmt viðauka við samþykkt um stjórn og fundarsköp Sveitarfélagsins Árborgar nr. 813/2018, sbr. breytingu á samþykktinni nr. 64/2025, sem kveða á um valdheimildir skipulagsfulltrúa til fullnaðarafgreiðslu, eru eftirfarandi óverulegar breytingar á gildandi deiliskipulagi samþykktar.

Fossnes og Mýrarland – óveruleg breyting á deiliskipulagi.

Skipulagsnefnd Sveitarfélagsins Árborgar samþykkti 28. janúar 2026 óverulega breytingu á deiliskipulagi sem tekur til lóða Breiðumýrar 8 og 10 á Selfossi. Í breytingunni felst að byggingarreitur lóðar er færður í 12 m fjarlægð frá lóðarmörkum til vesturs í stað 20 m.

Austurbyggð II, Ásland 9-11 – óveruleg breyting á deiliskipulagi.

Í breytingunni felst að byggingarreitur að Áslandi 9-11 stækkar um 0,9 m til suðausturs. Hámarksnýtingarhlutfall breytist ekki.

Ofangreindar deiliskipulagsáætlanir hafa hlotið þá meðferð sem skipulagslög mæla fyrir um og öðlast þegar gildi.

B deild — Útgáfudagur: 18. febrúar 2026