1. gr. Gildissvið.

Reglur þessar gilda um fjármálafyrirtæki, sem skylt er að viðhalda sveiflujöfnunarauka samkvæmt 86. gr. d. laga nr. 161/2002 um fjármálafyrirtæki.

2. gr. Gildi sveiflujöfnunarauka.

Fjármálafyrirtæki skulu viðhalda sveiflujöfnunarauka sem nemur 0% af áhættugrunni, vegna innlendra áhættuskuldbindinga. Sveiflujöfnunaraukanum skal einnig viðhaldið á samstæðugrunni.

Við útreikning eigin fjár sem viðhalda skal samkvæmt 86. gr. d. laga um fjármálafyrirtæki ber að líta til vegins meðaltals sveiflujöfnunarauka hér á landi og í öðrum ríkjum á Evrópska efnahagssvæðinu.

3. gr. Gildistaka.

Reglur þessar, sem settar eru á grundvelli 1. mgr. 86. gr. d. laga nr. 161/2002 um fjármálafyrirtæki, hafa verið samþykktar af fjármálastöðugleikanefnd og öðlast þegar gildi.

Seðlabanka Íslands, 17. mars 2020.

	Ásgeir Jónsson	Rannveig Júníusdóttir
	seðlabankastjóri.	framkvæmdastjóri.

B deild - Útgáfud.: 18. mars 2020