Deiliskipulag þjóðvegar í þéttbýli Dalvíkur.

Sveitarstjórn Dalvíkurbyggðar samþykkti 18. nóvember 2025 tillögu að deiliskipulagi þjóðvegar í gegnum Dalvík, skv. 3. mgr. 41. gr. skipulagslaga nr. 123/2010.

Skipulagssvæðið nær um 2,3 km leið yfir vegstæði þjóðvegar nr. 82 þar sem hann liggur í gegnum þéttbýlið á Dalvík.

Í deiliskipulagstillögunni er m.a. gerð grein fyrir legu vegstæðis, afmörkun aðliggjandi lóða, leyfilegum hámarkshraða, gatnamótum, göngu- og hjólastígum, almenningssamgöngum og bílastæðum.

Deiliskipulagstillagan hefur hlotið meðferð í samræmi við 41.-43. gr. skipulagslaga nr. 123/2010 og öðlast hún þegar gildi.

B deild — Útgáfudagur: 5. febrúar 2026