Í samræmi við skipulagslög nr. 123/2010 hefur sveitarstjórn Flóahrepps samþykkt eftirfarandi deiliskipulagsáætlun:

Deiliskipulagsbreyting, Lambhagatá, L217656, Ósabotnar, ný lóð og stækkun byggingarreits.

Um er að ræða óverulega breytingu á deiliskipulagi sem tekur til Ósabotna í Flóahreppi, nánar tiltekið á vinnslusvæði Selfossveitna. Þar er leyfilegt að bora borholur og byggja upp viðeigandi innviði til að vinna úr þeim heitt vatn. Í breytingunni felst heimild fyrir stofnun nýrrar lóðar og stækkun á núverandi byggingarreit á lóðinni Lambhagatá L217656. Engar breytingar eru gerðar á skilmálum deiliskipulagsins að öðru leyti.

Samþykkt í sveitarstjórn 3. júní 2025.

Ofangreind deiliskipulagsáætlun hefur hlotið þá meðferð sem skipulagslög mæla fyrir um og öðlast þegar gildi.

B deild — Útgáfudagur: 1. ágúst 2025