1. gr. Gildissvið.

Reglur þessar gilda um fjármálafyrirtæki sem hafa heimild til móttöku innlána skv. 3. gr., sbr. 20. gr., laga um fjármálafyrirtæki, nr. 161/2002, og viðhalda skulu eiginfjárauka vegna kerfisáhættu skv. 86. gr. g sömu laga.

Eiginfjáraukanum skal viðhaldið á samstæðu- og einingargrunni, eftir því sem við á, sbr. 83. gr. d laga um fjármálafyrirtæki.

2. gr. Hlutfall eiginfjárauka vegna kerfisáhættu.

Fjármálafyrirtæki, sem hafa heimild til móttöku innlána, skulu viðhalda eiginfjárauka vegna kerfisáhættu sem nemur 2% af áhættugrunni, vegna innlendra áhættuskuldbindinga, sbr. 86. gr. h og 1. tölul. 86. gr. i laga um fjármálafyrirtæki.

3. gr. Gildistaka.

Reglur þessar, sem settar eru á grundvelli 86. gr. g laga um fjármálafyrirtæki, hafa verið samþykktar af fjármálastöðugleikanefnd Seðlabanka Íslands og öðlast þegar gildi. Við gildistöku þeirra falla úr gildi reglur nr. 323/2020, um eiginfjárauka fyrir fjármálafyrirtæki vegna kerfisáhættu.

Seðlabanka Íslands, 3. desember 2024.

Ásgeir Jónsson seðlabankastjóri.

Haukur C. Benediktsson framkvæmdastjóri.

B deild - Útgáfud.: 4. desember 2024