1. gr. Gildissvið.

Reglur þessar gilda um fjármálafyrirtæki sem skylt er að viðhalda eiginfjárauka vegna kerfislegs mikilvægis samkvæmt 86. gr. c laga um fjármálafyrirtæki, nr. 161/2002.

2. gr. Gildi eiginfjárauka fyrir kerfislega mikilvæg fjármálafyrirtæki.

Fjármálafyrirtæki sem fjármálastöðugleikanefnd ákveður að teljist kerfislega mikilvæg, á grundvelli d-liðar 1. mgr. 13. gr. laga um Seðlabanka Íslands, nr. 92/2019, skulu viðhalda sérstökum eiginfjárauka. Eiginfjárauki fyrir kerfislega mikilvæg fjármálafyrirtæki skal nema 2% af áhættugrunni, vegna allra áhættuskuldbindinga. Eiginfjáraukanum skal einnig viðhaldið á samstæðugrunni.

3. gr. Gildistaka.

Reglur þessar, sem settar eru á grundvelli 1. mgr. 86. gr. c laga um fjármálafyrirtæki, nr. 161/2002, hafa verið samþykktar af fjármálastöðugleikanefnd og öðlast þegar gildi.

Seðlabanka Íslands, 7. apríl 2020.

	Ásgeir Jónsson	Rannveig Júníusdóttir
	seðlabankastjóri.	framkvæmdastjóri.

B deild - Útgáfud.: 8. apríl 2020