Í samræmi við skipulagslög nr. 123/2010 hefur sveitarstjórn Bláskógabyggðar samþykkt eftirfarandi deiliskipulagsáætlanir:

1. Deiliskipulag, Bratti í Botnsúlum, L170796.
   Deiliskipulagið tekur til Bratta í Botnsúlum, L170796, norðvestan við Syðstu-Súlu. Á staðnum var lítill skáli sem hefur verið fjarlægður. Til stendur að reisa nýjan skála allt að 80 m² að stærð, fyrir allt að 30 manns í gistingu. Skipulagssvæðið er um 0,5 ha að stærð. Bratti er innan Þingvallaþjóðgarðs og vatnsverndarsvæðis Þingvallavatns. Svæðið er í aðalskipulagi Bláskógabyggðar 2015-2027 skilgreint sem afþreyingar- og ferðamannasvæði.
   Samþykkt í sveitarstjórn 1. október 2019.
2. Deiliskipulag, Fremstaver.
   Deiliskipulagið tekur til Fremstavers, sunnan við Bláfell, vestan Hvítár í Bláskógabyggð. Á svæðinu eru alls 3 byggingar, fjallaskáli, salernishús og hesthús. Gistipláss er fyrir 30 manns. Heimilt verður að stækka núverandi skála um allt að 60 m² eða byggja nýjan skála allt að 100 m². Með því verður til gistirými fyrir allt að 50 manns. Þá er heimild fyrir byggingu allt að 200 m² hesthúss sem mun bæta aðstöðu fyrir hestamenn. Stærð svæðis er um 2 ha. Fremstaver er í aðalskipulagi Bláskógabyggðar 2015-2027 skilgreint sem fjallasel.
   Samþykkt í sveitarstjórn 1. október 2019.
3. Deiliskipulag, Skálpanes.
   Deiliskipulagið tekur til Skálpaness, fjallaskála við Langjökul, vestan Geldingafells. Á svæðinu eru alls 2 byggingar fyrir ferðaþjónustu og starfsfólk. Ekki er gert ráð fyrir frekari uppbyggingu, einungis viðhaldi á núverandi mannvirkjum. Stærð svæðis er um 1 ha. Skálpanes er í aðalskipulagi Bláskógabyggðar 2015-2027 skilgreint sem afþreyingar- og ferðamannasvæði.
   Samþykkt í sveitarstjórn 1. október 2019.
4. Deiliskipulag, Svartárbotnar (Gíslaskáli).
   Deiliskipulagið tekur til Svartárbotna (Gíslaskála) á Kili. Á staðnum er rekin þjónusta við ferðamenn. Þar er einnig gangnamannahús og aðstaða til að taka á móti hestahópum. Skipulagssvæðið er tæpir 2 ha að stærð. Í Gíslaskála sem er 270 m² að stærð, er pláss fyrir 45-50 manns. Til stendur að stækka skálann fyrir allt að 70 manns í gistingu og/eða að byggja tvo nýja skála, auk þess að bæta aðstöðu fyrir hesta. Á svæðinu er einnig 96 m² hesthús og 20 m² starfsmannahús. Svæðið er í aðalskipulagi Bláskógabyggðar 2015-2027 skilgreint sem afþreyingar- og ferðamannasvæði.
   Samþykkt í sveitarstjórn 1. október 2019.
5. Deiliskipulagsbreyting, Launrétt 1, L167386.
   Lóðin Launrétt 1, L167386, í Laugarási breytist í verslunar- og þjónustusvæði þannig að heimilt verði að veita rekstrarleyfi fyrir gistingu.
   Samþykkt í sveitarstjórn 29. ágúst 2019.

Ofangreindar deiliskipulagsáætlanir hafa hlotið þá meðferð sem skipulagslög mæla fyrir um og öðlast þegar gildi.

Laugarvatni, 20. mars 2020.

Skipulags- og byggingarfulltrúi uppsveita bs.,

Rúnar Guðmundsson.

B deild - Útgáfud.: 6. apríl 2020