1. gr.

Á eftir 1. mgr. auglýsingarinnar kemur ný málsgrein sem orðist svo:

Umhverfisráðherra hefur ennfremur að tillögu borgarstjórnar Reykjavíkur, bæjarstjórna Kópavogs, Hafnarfjarðar, Garðabæjar, Seltjarnarness, Reykjanesbæjar og Grindavíkur ákveðið að Sveitarfélagið Vogar verði einnig aðili að stofnun og rekstri fólkvangs á Reykjanesi með þeim skuldbindingum sem í því felast, þ. á m. hafi fulltrúa í samvinnunefnd sveitarfélaganna um stjórn fólkvangsins.

2. gr.

Auglýsingin öðlast þegar gildi.

Umhverfisráðuneytinu, 6. desember 2011.

Svandís Svavarsdóttir.

Magnús Jóhannesson.

B deild - Útgáfud.: 27. desember 2011