1. gr.

Á eftir 1. málsl. 2. mgr. 34. gr. reglnanna bætist nýr málsliður, svohljóðandi: Þá er einnig hægt að ráða starfsmann í sameiginlegt akademískt starf með starfsskyldum við fleiri en eitt fræðasvið og/eða deildir tveggja fræðasviða, sbr. 44. gr.

2. gr.

Eftirfarandi breytingar verða á 44. gr. reglnanna:

1. Á eftir 2. málsl. 1. mgr. bætist nýr málsliður, svohljóðandi: Þegar um er að ræða sameiginleg akademísk störf með starfsskyldum við fleiri en eitt fræðasvið og/eða deildir tveggja fræðasviða er skipuð sérstök valnefnd, sbr. 7. mgr.
2. Í stað orðsins „menn“ í 1. málsl. 2. mgr. kemur orðið: einstaklingar.

3. Aftan við greinina bætist ný málsgrein, svohljóðandi:
   Þegar um er að ræða sameiginleg akademísk störf með starfsskyldum við fleiri en eitt fræðasvið og/eða deildir tveggja fræðasviða er skipan valnefndar eftirfarandi:

   1. Einn fulltrúi tilnefndur af rektor, sem jafnframt er formaður valnefndar.
   2. Deildarforsetar þeirra tveggja deilda sem starfinu tengjast.
   3. Tveir fulltrúar tilnefndir hvor um sig af viðkomandi deildum hverju sinni og skulu þeir vera sérfræðingar á sviði starfsins.

3. gr.

Reglur þessar, sem samþykktar hafa verið í háskólaráði Háskóla Íslands, eru settar í samræmi við lög nr. 85/2008 um opinbera háskóla og öðlast þegar gildi.

Háskóla Íslands, 11. október 2022.

Jón Atli Benediktsson.

Þórður Kristinsson.

B deild - Útgáfud.: 25. október 2022