Í samræmi við skipulagslög nr. 123/2010 hefur sveitarstjórn Bláskógabyggðar, samþykkt eftirfarandi deiliskipulagsáætlun:

Deiliskipulagsbreyting, Vesturbyggð og Launrétt, þéttbýlið Laugarási, lóðamörk og skipting lóðar.

Um er að ræða óverulega breytingu á deiliskipulagi sem tekur til Vesturbyggðar og Launaréttar í þéttbýlinu í Laugarási. Í breytingunni felst að lóðamörkum lóða nr. 1, 3 og 5 við Vesturbyggð er breytt og þær stækkaðar til samræmis við stærð þeirra í lóðarleigusamningum. Einnig er lóðinni Launrétt 3 skipt í tvær lóðir, nr. 3 og 5, og gerð ný aðkoma að Launrétt 5.

Samþykkt í sveitarstjórn 7. maí 2025.

Ofangreind deiliskipulagsáætlun hefur hlotið þá meðferð sem skipulagslög mæla fyrir um og öðlast þegar gildi.

B deild — Útgáfudagur: 4. júlí 2025