Breyting á deiliskipulagi fyrir lóðina Áshamar 34-40 í Hamranesi.

Í samræmi við skipulagslög nr. 123/2010 samþykkti bæjarstjórn Hafnarfjarðar á fundi sínum 5. nóvember 2025 breytingu á ofangreindu deiliskipulagi. Breytingin felst í að íbúðum er fjölgað úr 84 íbúðum í 105 íbúðir. Byggingarmagn eykst ekki, stórum íbúðum er breytt í tvær íbúðir undir 80 fm. Það er gert með því að skipta 21 íbúð sem er yfir 130 fm í tvær minni íbúðir. Bílastæðum fjölgar úr 105 stæðum í 110 stæði og bílastæðum hreyfihamlaðra fjölgar úr 5 stæðum í 6 stæði. Málsmeðferð var skv. 1. mgr. 43. gr. ofangreindra laga.

Breyting á deiliskipulagi Skarðshlíðar, 3. áfanga, vegna Tinnuskarðs 24.

Í samræmi við 1. mgr. 43. gr. skipulagslaga nr. 123/2010 samþykkti bæjarstjórn Hafnarfjarðar á fundi sínum 24. september 2025 ofangreinda breytingu. Breytingin felst í að fjölga íbúðum á lóðinni um eina og bílastæðum um eitt.

Uppdrættir ásamt greinargerð og skipulagsskilmálum hafa hlotið þá meðferð sem ofangreind lög mæla fyrir um. Deiliskipulagið öðlast þegar gildi.

B deild — Útgáfudagur: 16. desember 2025