Skráning í notkunarflokkinn
Við flutning á hættulegum farmi á vegum þarf að fylgja sérstökum reglum og er meðal annars gerð krafa um að ökutækið sé viðurkennt til slíkrar notkunar. Skráning ökutækis í notkunarflokkinn „Hættulegur farmur (ADR)“ skal ekki fara fram nema fyrir liggi viðurkenning þess að það uppfylli kröfur sem gerðar eru til slíks ökutækis. Nánari upplýsingar eru í skráningareglum Samgöngustofu.
Umsókn
Þegar sótt er um skráningu ökutækis til flutnings á hættulegum farmi skal skila inn umsókn til Samgöngustofu ásamt nauðsynlegum fylgigögnum. Í umsókn skal tilgreina ADR-viðurkenningarflokka.
ADR-skoðun
Sé umsókn samþykkt þarf að færa ökutæki til ADR-skoðunar á skoðunarstöð. Standist ökutækið ADR-skoðun fær það skráðan gildistíma ADR-viðurkenningar í ökutækjaskrá. Til þess að viðhalda ADR-viðurkenningu ökutækis skal færa það árlega til ADR-skoðunar.
Kostnaður
Kostnaður vegna skráningar á ADR-gildistíma er 1.103 krónur og er greitt við ADR-skoðun.
Þjónustuaðili
Samgöngustofa