Á Ísland.is finnur þú þjónustu hins opinbera á einum stað. Heilbrigðisupplýsingar eru nú þegar farnar að birtast á Mínum síðum á Ísland.is og enn fleiri upplýsingar og aðgerðir á leiðinni. Þannig verða Mínar síður á Ísland.is heimili stafrænnar heilbrigðisþjónustu.
Hvað er Mín heilsa?
Mín heilsa sameinar heilbrigðisupplýsingar og þjónustu á einn stað. Þar má finna það efni og aðgerðir sem fólk þekkir frá Mínum síðum á Heilsuvera.is ásamt því að við getum birt upplýsingar frá öðrum stofnunum og aðilum innan heilbrigðiskerfisins og þannig veitt enn betri þjónustu og yfirsýn.
Viltu prófa Mína heilsu?
Hvað er komið á Ísland.is?
Á Mín heilsa á Ísland.is getur þú nú þegar séð:
Tilvísanir
Líffæragjöf
Upplýsingar um biðlista
Greiðsluþátttaka lyfja
Blóðflokk
Yfirlit yfir bólusetningar
Næstu vikur og mánuði munu nýir eiginleikar og virkni bætast við.
Hvað færist frá Heilsuvera.is?
Vinna stendur yfir að útfæra og þróa:
Yfirlit yfir tímabókanir
Spurningalistar
Skilaboð
Meðganga
Meðferðir
Lyfjaávísanir og endurnýjun
Hvað verður um Heilsuvera.is?
Þegar öll þjónusta er komin yfir á Ísland.is verður lokað fyrir Mínar síður á Heilsuveru.is. Þá verða allar þínar heilbrigðisupplýsingar komnar inn á Ísland.is. Áætlað er að þetta muni gerast í september 2026.
Á heilsuvera.is má finna mikið af vönduðu fræðsluefni, það efni verður áfram aðgengilegt á heilsuvera.is. Verkefni okkar snýst aðeins um þjónustuvefinn sem þarf að auðkenna sig inn á með rafrænum skilríkjum.
Hvað þýðir þetta fyrir mig?
Þú getur áfram notað Mínar síður á heilsuvera.is eins og áður, sumt er hægt að gera bæði á heilsuvera.is og á Ísland.is.
Þegar að öll þjónusta af heilsuvera.is verður komin yfir á Ísland.is munu Mínar síður á heilsuvera.is loka og Ísland.is er þá þinn viðkomustaður fyrir þínar heilbrigðisupplýsingar.
Ef eitthvað er óljóst eða þú rekst á eitthvað sem má fara betur tökum við á móti spurningum og ábendingum á island@island.is
Hvað gerist næst?
Með þessari vinnu skapast tækifæri til að þróa og tengja enn fleiri stofnanir og þjónustuaðila við Ísland.is, bæði opinbera og einkarekna. Þannig veitum við heildstæðari þjónustu og einföldum daglegt líf. Aðgengi að stafrænni heilbrigðisþjónustu verður þannig samfellt og eflt til að spara þér sporin, allt á einum stað á Ísland.is eða í Ísland.is appinu.
Spurt og svarað
Þú skráir þig einfaldlega inn á Mínar síður á Ísland.is. Þar finnur þú allar þínar upplýsingar undir Heilsa.
Já, þegar þú hefur skráð þig inn er hægt að skipta um notanda með því að smella á nafnið þitt efst uppi í hægra horni. Vinsamlegast athugið að þegar barn verður 16 ára öðlast það aukin réttindi varðandi heilbrigðisþjónustu sína samkvæmt lögum og því þarf foreldri eða forráðamaður að hafa virkt umboð frá barni sínu, sem er veitt í gegnum Mínar síður á Ísland.is
Já, við mælum með að ná í Ísland.is appið. Þar má til dæmis sjá yfirlit yfir lyfseðla og endurnýja þá með einföldum hætti.
Upplýsingarnar koma frá mismunandi heilbrigðisstofnunum og öðrum stofnunum hins opinbera sem skipta máli. Gögnin eru vistuð og á ábyrgð viðkomandi stofnunar og eru ekki á vegum Stafræns Íslands. Hlutverk Stafræns Íslands er að birta upplýsingarnar á aðgengilegan máta.
Upplýsingarnar eru aðeins aðgengilegar þér. Heilbrigðisstarfsfólk sem veitir þér þjónustu hefur þó auðvitað alltaf aðgang að þeim upplýsingum sem að það þarf vinnu sinnar vegna í kerfum viðkomandi stofnana. Mínar síður á Ísland.is geta sótt mismunandi gögn og upplýsingar frá mismunandi stofnunum og þannig birt á heildstæðan hátt.
Undir Lyfin mín og lyfjaávísanir. Ef í boði er að endurnýja tiltekin lyfseðil er nóg að smella á endurnýja takkann. Einnig má endurnýja lyfseðla í Ísland.is appinu.
Áætluð lok eru í september þegar öll sú mikilvæga virkni sem er í dag á þjónustuvef heilsuveru.is er komin yfir á Mína heilsu á Íslandi. Ytri vefur heilsuveru.is, sem hefur að geyma mikið magn af gagnlegu og góðu fræðsluefni, verður áfram á sínum stað.
Þú getur séð tímabókanir þínar í heilbrigðisþjónustu en unnið er að nýrri lausn fyrir bókanir. Á meðan getur þú bókað tíma í afmarkaða þjónustu í Heilsuveru eða óskað eftir tíma í skilaboðum.
Ef læknir hefur sótt um lyfjaskírteini má finna það undir Lyfin mín og Lyfjaskírteini.
Já, undir Lyfin mín og Lyfjaheimild getur þú gefið öðrum einstaklingi heimild til að sækja lyf í apótek fyrir þína hönd og fletta upp lyfjaávísunum.
Já, þú getur sent og svarað skilaboðum á Ísland.is. Hver þjónustuveitandi ræður því þó hvort að opið sé fyrir skilaboð hverju sinni.
Já, undir Sjúkraskrá má finna flokkinn Bólusetningar. Þar má finna yfirlit yfir þær bólusetningar sem þú hefur fengið. Yfirlitið sýnir þá sjúkdóma sem bólusett er fyrir en með því að smella á + við hvern sjúkdóm er hægt að sjá hvaða bóluefni var gefið. Einnig kemur fram hvort bólusetningin sé í gildi eða útrunnin.
Já, hægt er að sjá stöðu á biðlista hjá fjölda stofnana með því að smella á Sjúkraskrá í valmynd og velja biðlistar.
Öll gögn sem voru á Heilsuveru.is færast yfir á Ísland.is. Ef þú telur að einhver gögn vanti hvetjum við þig til að hafa samband.
Undir Grunnupplýsingar og Heilsugæslu kemur fram á hvaða heilsugæslu þú ert skráð(ur). Undir Grunnupplýsingar má einnig sjá hvort þú sért skráður líffæragjafi og í hvaða blóðflokki þú ert, séu til upplýsingar um hann hjá Blóðbankanum.
