Þrenn verðlaun á íslensku vefverðlaununum!
26. mars 2021
Þrenn verðlaun rötuðu rétt í þessu í hús Stafræns Íslands og samstarfsfólks á vefverðlaunum SVEF.
![](https://images.ctfassets.net/8k0h54kbe6bj/5cSrLYZp5ZkYuVSGqHY3jf/131ef34eb01020aff1d2e380b2299275/176364729_2917927338481640_3392391531356010043_n.jpg?w=50&fm=webp&q=80)
![SVEF2020](https://images.ctfassets.net/8k0h54kbe6bj/5cSrLYZp5ZkYuVSGqHY3jf/131ef34eb01020aff1d2e380b2299275/176364729_2917927338481640_3392391531356010043_n.jpg?w=774&fm=webp&q=80)
Ísland.is fékk bæði hvatningarviðurkenningu fyrir aðgengismál og hlaut verðlaun sem opinber vefur ársins!
Rafræn réttarvörslugátt hlaut verðlaun sem vefkerfi ársins en það var unnið í samstarfi við dómsmálaráðuneytið.
Við erum ekki síður stolt af tilnefningunum sem við hlutum fyrir stafræna ökuskírteinið, stuðningslánin og tæknilausn Ísland.is.
Að þessum verkefnum komu fjöldi sérfræðinga en hátt í 100 manns koma að verkefnum Ísland.is í gegnum þau 18 teymi sem vinna með Stafrænu Íslandi. Þessi verðlaun og viðurkenningar eru því mikið klapp á bakið og staðfesting á að við séum á réttri leið. Við erum rétt að byrja en notendur eiga eftir að sjá mikinn fjölda stafrænna þjónustna bætast við á Ísland.is næstu vikur og mánuði.
Aftur - Til hamingju allir sem lögðu hönd á plóg!