Tólf hugbúnaðarfyrirtæki í nýjum rammasamningi Stafræns Íslands

Tólf hugbúnaðarfyrirtæki hlutu brautargengi í nýyfirstöðnu þverfaglegu rammasamningsútboði í hugbúnaðargerð. Þetta er í þriðja sinn sem Stafrænt Ísland býður út á þennan hátt en mikill áhugi og þátttaka var að þessu sinni. 22 aðilar buðu fram alhliðateymi og 14 fyrirtæki buðu fram vefteymi. Aðferðafræði útboðsins, að bjóða fram þekkingu en ekki í tiltekið verk, er árangursrík leið í opinberum innkaupum sem notuð hefur verið undanfarin ár. Fjöldi erlendra opinberra innkaupaaðila hafa sýnt ferlinu mikinn áhuga. Um er að ræða mikilvæga fjárfestingu í stafrænum innviðum hins opinbera og þróun Ísland.is. Ferlið er sem fyrr segir framkvæmt með þessu móti í þriðja skiptið og því komin mikilvæg reynsla.

Næstu vikur fara nú í þjálfun, forgangsröðun og þekkingaryfirfærslu til nýrra teyma. Gert er ráð fyrir að nýr rammasamningur taki formlega gildi í lok júní.

Lesa nánar um niðurstöður útboðs

Hreyfing alla ævi

Á Ísland.is er að finna góðar upplýsingar um þjónustu sem okkur stendur til boða þegar við eldumst. Á efri árum er sérstaklega mikilvægt að varðveita vöðvastyrk og stunda styrktar- og jafnvægisþjálfun. Sveitarfélög bjóða upp á margskonar hreyfingu og tómstundir fyrir eldra fólk.

Lesa nánar um hreyfingu fyrir 60+

KM gjald á Mínum síðum Ísland.is

Kílómetragjald í sér yfirliti undir Fjármál á mínum síðum - Fjársýslan Kílómetragjald er nú að finna í sér yfirliti undir Fjármál á Mínum síðum Ísland.is sem auðveldar fólki að sjá reikninga sem tengjast gjaldinu.

Skoða KM gjald á Mínum síðum

Stafræn skírteini í Ísland.is appinu

Útgáfa stafrænna skírteina opinberra stofnanna á Íslandi hófst sumarið 2020 með útgáfu stafrænna ökuskírteina. Mikið vatn hefur runnið til sjávar síðan þá en nú í júní verður útgáfu skírteina í símaveski hætt. Skírteinin verða aðgengileg í Ísland.is appinu og á Mínum síðum Ísland.is.

Þróum stafrænna skírteina

Dev umhverfi öryggisprófað

Á næstu vikum verður svokallað dev umhverfi Ísland.is lokað tímabundið. Dev umhverfi er svæði þar sem forritara þróa og prófa stafræna ferla. Tilgangur lokuninnar er æfing sem mun auka öryggi á kerfum Ísland.is komi t.d. til netárásar.

Eignaskipti ökutækja sjálfvirk

Samtímauppfærslur vegna bifreiðagjalda og kílómetragjalds er komið á sem þýðir að kaup og sala á ökutækjum getur átt sér stað stafrænt allan sólarhringinn alla daga vikunnar.

Útgáfufréttir Ísland.is

Tvær útgáfur voru hjá Stafrænu Íslandi nú í maí. Með útgáfufréttum er leitast við að segja frá þeim nýjungum, uppfærslum og þróun sem á sér stað í Ísland.is samfélaginu.

Lesa útgáfufréttir

Meðal verkefna Stafræns Íslands

Umsóknir

• Staðfesting á skólavist (grunnskóli)

• Skipta um grunnskóla

• Afturköllun ellilífeyris

• Skráning leigusamnings

• Tekjuáætlun TR

• Tilkynning um netglæp

• Umboð fyrir framkvæmdastjóra fyrirtækja

Umsóknir

• Staðfesting á skólavist (grunnskóli)

• Skipta um grunnskóla

• Afturköllun ellilífeyris

• Skráning leigusamnings

• Tekjuáætlun TR

• Tilkynning um netglæp

• Umboð fyrir framkvæmdastjóra fyrirtækja

Stjórnborð

• Tölfræði Stafræns pósthólfs fyrir stofnanir

Fundir / kynningar

• Kynningafundur teyma 19. og 20.júní

Ráðstefnur

• Tengjum ríkið 18.september

Umboðskerfi

• Umboð fyrir framkvæmdastjóra fyrirtækja

Vefir í vinnslu

• Almannavarnir

• Dómstólasýslan

• Framkvæmdasýslan

• Heilsugæsla höfuðborgarsvæðisins

• Landspítali

• Lögreglan

• Rannís

• Framkvæmdasýslan

• Heilsugæsla Suðurnesja

• Rammaáætlun

• Kærunefnd vöru- og þjónustukaupa

Mínar síður Ísland.is

• Lyfjaávísanir og lyfjasaga

• Staða á biðlista

Tilkynningar

• Lyfjaskírteini rennur út

• 18 ára afmæli

Stafrænt pósthólf

• Gagnvirk samskipti við almenning