Stafrænt Ísland er starfseining innan fjármála-og efnahagsráðuneytisins. Hlutverk hennar er að vinna með ráðuneytum, stofnunum og öðrum opinberum aðilum að því að efla stafræna þjónustu við almenning og tryggja þannig skýr, einföld og hraðvirk samskipti. Birtingamynd verkefna Stafræns Íslands gagnvart notendum er Ísland.is.

Hjá Stafrænu Íslandi starfar hópur sérfræðinga sem hefur það að leiðarljósi að einfalda líf fólks. Leitað er að drífandi aðila í teymið sem á auðvelt með að fá fólk í lið með sér og ná fram því besta hjá öðrum.

Helstu verkefni og ábyrgð

• Ábyrgð á mótun og þróun efnis- og aðgengisstefnu Ísland.is þ.m.t. framsetningu efnis

• Ritstýring og eftirfylgni með gæðum upplýsinga á Ísland.is, þ.m.t. grisjun efnis

• Tryggja samræmingu og samlegð efnis á Ísland.is, í umsóknum, í spjallmenni og í Ísland.is appinu

• Ábyrgð á umgjörð samskipta og fræðsla til vefstjóra opinberra aðila

• Gerð leiðbeininga og viðhald á handbók vefstjóra

• Eftirfylgni með þýðingum efnis á Ísland.is

• Samstarf við vörustjóra Ísland.is í framsetningu efnis og þjónustu

• Þátttaka í stefnumótun og áætlanagerð Stafræns Íslands

Hæfniskröfur

• Menntun og reynsla sem nýtist í starfi

• Þekking og reynsla af stýringu fjölbreyttra verkefna

• Færni og reynsla af því að miðla þekkingu

• Mikil færni í mannlegum samskiptum og leiðtogahæfileikar

• Jákvætt hugarfar, þjónustulund og frumkvæði

• Skipulagshæfni, öguð og sjálfstæð vinnubrögð

• Mjög gott vald á íslensku og ensku í ræðu og riti er skilyrði

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna Stjórnarráðsins hafa gert.

Umsókn um starfið þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.Æskilegt er að viðkomandi geti hafið störf sem fyrst.Um fullt starf er að ræða og starfið er tímabundið til tveggja ára. Umsóknir geta gilt í 6 mánuði frá því að umsóknarfrestur rennur út, sbr. gildandi reglur um auglýsingar lausra starfa.

Starfshlutfall er 100%

Umsóknarfrestur er til og með 14.11.2024

Nánari upplýsingar veitir

Birna Íris Jónsdóttir, birna.jonsdottir@fjr.is

Ragnheiður Valdimarsdóttir, ragnheidur.valdimarsdottir@fjr.is