Vegagerðin í samvinnu við Reykjavíkurborg hefur lagt fram umhverfismatsskýrslu vegna umhverfismats Sundabrautar milli Sæbrautar og Kjalarness.

Umhverfismatsskýrslan er aðgengileg á Skipulagsgátt.

Allir geta kynnt sér umhverfismatsskýrsluna og veitt umsögn í gegnum Skipulagsgáttina eigi síðar en 30. nóvember 2025.

Vakin er athygli á því að Vegagerðin mun halda þrjá opna kynningarfundi í Reykjavík, þar sem fjallað verður um niðurstöður umhverfismats Sundabrautar og drög að aðalskipulagsbreytingu:

• Klébergsskóli: 20. október kl. 18:00-19:30.

• Hilton Reykjavík Nordica: 21. október kl. 17:30-19:00.

• Borgaskóli: 22. október kl. 17:30-19:00.

Fundirnir verða teknir upp og upptökurnar gerðar aðgengilegar á vef Vegagerðarinnar og Reykjavíkur.

Einnig verða haldnir kynningarfundir um niðurstöður umhverfismats Sundabrautar í Mosfellsbæ, á Akranesi og hjá Vegagerðinni:

• Framhaldsskólinn Mosfellsbæ: 23. október kl. 17:30-19:00.

• Vegagerðin, Suðurhrauni 3, Garðabæ: 24. október kl. 9:00-10:30. Fundurinn verður í beinu streymi.

• Bæjarskrifstofa Akraness: 4. nóvember kl. 19:30-21:00.