Skipulagsstofnun staðfesti, 9. febrúar 2026, breytingu á Aðalskipulagi Vestmannaeyja 2015-2035 sem samþykkt var í bæjarstjórn 29. október 2025.

Í breytingunni felst skilgreining 1,7 ha verslunar og þjónustu VÞ-2 ofan við Skansinn þar sem er fyrirhugað að reisa fjögurra hæða hótel og baðlón með þjónustubyggingu og veitingasölu. Óbyggt svæði ÓB-3 minnkar sem því nemur. Vaxtarmörk þéttbýlis færast til þannig að þau nái utan um svæðið.

Málsmeðferð var samkvæmt 1. mgr. 36. gr. skipulagslaga nr. 123/2010.

Hægt er að nálgast aðalskipulagsbreytinguna í Skipulagsgátt og á Skipulagsvefsjá Skipulagsstofnunar þegar breytingin hefur öðlast gildi með birtingu í B-deild Stjórnartíðinda.