Skipulagsstofnun staðfesti 16. október 2025 verulega breytingu á Aðalskipulagi Reykjavíkur 2040 sem samþykkt var í bæjarstjórn 3. júní 2025.

Í breytingunni felst rammahluti aðalskipulags Reykjavíkur um Borgarlínuna, fyrir fyrstu lotu hennar frá Ártúnshöfða að Fossvogsbrú. Sett er fram bindandi stefna fyrir kjarnastöðvar og leiðbeinandi staðsetning fyrir aðrar stöðvar. Auk þess eru sett fram viðmið sem líta ber til fyrir hönnun göturýma og innviða Borgarlínunnar.

Málsmeðferð var samkvæmt 1. mgr. 36. gr. skipulagslaga.

Hægt er að nálgast aðalskipulagsbreytinguna í Skipulagsgátt og á Skipulagsvefsjá Skipulagsstofnunar þegar breytingin hefur öðlast gildi með birtingu í B-deild Stjórnartíðinda.