Skipulagsstofnun staðfesti, 10. júní 2025, breytingu á Aðalskipulagi Reykjanesbæjar 2020-2035 sem samþykkt var í bæjarstjórn 21. janúar 2025.

Í breytingunni felst fjölgun íbúða úr 600 í 1250 á miðsvæði M9 á Vatnsnesi og byggingarmagn eykst úr 33.000 í 185.000 m2. Byggingar verða á 3 -5 hæðum með möguleikum á fjölgun hæða við ströndina upp í allt að 7 hæðir.

Málsmeðferð var samkvæmt 1. mgr. 36. gr. skipulagslaga.

Hægt er að nálgast aðalskipulagsbreytinguna í Skipulagsgátt og á Skipulagsvefsjá Skipulagsstofnunar þegar breytingin hefur öðlast gildi með birtingu í B-deild Stjórnartíðinda.