Skipulagsstofnun staðfesti, 9. febrúar 2026, breytingu á Aðalskipulagi Rangárþings ytra 2016-2028 sem samþykkt var í sveitarstjórn 10. desember 2025.

Í breytingunni felst nýtt 11 ha efnistökusvæði E125 með áætlaðri efnistöku allt að 80.000 m³. Samhliða minnkar iðnaðarsvæði I25 og nafni þess er breytt í Vaðölduver í stað Búrfellslundar en þar eru auk þess heimiluð lagning vinnuvega innan svæðis.

Málsmeðferð var samkvæmt 1. mgr. 36. gr. skipulagslaga.

Hægt er að nálgast aðalskipulagsbreytinguna í Skipulagsgátt og á Skipulagsvefsjá Skipulagsstofnunar þegar breytingin hefur öðlast gildi með birtingu í B-deild Stjórnartíðinda.