Skipulagsstofnun staðfesti, 15. janúar 2026, breytingu á Aðalskipulagi Rangárþings ytra 2016-2028 sem samþykkt var í sveitarstjórn 14. maí 2025.

Í breytingartillögunni felst skilgreining á um 2,8 hektara verslunar - og þjónustusvæði (VÞ42). Heimilt verður að byggja upp ferðaþjónustu í gestahúsum, fyrir allt að 20 gesti og vera með fasta búsetu. Heildarbyggingarmagn er allt að 550 m². Landbúnaðarsvæði minnkar sem þessu nemur.

Málsmeðferð var samkvæmt 1. mgr. 36. gr. skipulagslaga nr. 123/2010.

Hægt er að nálgast aðalskipulagsbreytinguna í Skipulagsgátt og á Skipulagsvefsjá Skipulagsstofnunar þegar breytingin hefur öðlast gildi með birtingu í B-deild Stjórnartíðinda.