Skipulagsstofnun
Staðfesting á breytingu á aðalskipulagi Mýrdalshrepps vegna verslunar- og þjónustusvæðis og íbúðarbyggðar á Norður- og Suður-Fossi
21. janúar 2026
Skipulagsstofnun staðfesti, 20. janúar 2026, breytingu á Aðalskipulagi Mýrdalshrepps 2021-2033 sem samþykkt var í sveitarstjórn 18. september 2025.
Í breytingunni felst að verslunar- og þjónustusvæði VÞ33 er skipt í tvö svæði, VÞ33 Norður-Foss (8,7 ha) og VÞ46 Suður-Foss (4,5 ha). Hámarksbyggingarmagn VÞ33 hækkar úr 6.400 m2 í 8.000 m2 með allt að 400 gistirúmum. Sömu heimildir gilda fyrir VÞ46 þannig að samanlagt heildarbyggingarmagn verður 16.000 m2 og heildarfjöldi gistirúma allt að 800. Jafnframt er gert ráð fyrir nýrri íbúðarbyggð ÍB11 (1,5 ha) fyrir 20 íbúðir á 10 lóðum, með hámarksbyggingarmagni allt að 2000 m2.
Málsmeðferð var samkvæmt 1. mgr. 36. gr. skipulagslaga.
Hægt er að nálgast aðalskipulagsbreytinguna í Skipulagsgátt og á Skipulagsvefsjá Skipulagsstofnunar þegar breytingin hefur öðlast gildi með birtingu í B-deild Stjórnartíðinda.