Skipulagsstofnun staðfesti, 12. febrúar 2026, breytingu á Aðalskipulagi Skagabyggðar 2010-2030 sem samþykkt var í sveitarstjórn 13. janúar 2026.

Í breytingunni felst stækkun malarnámu, ES12, í landi Skeggjastaða ásamt því að heimilað magn efnistöku er aukið úr 30.000 m³ í allt að 450.000 m³.

Málsmeðferð var samkvæmt 1. mgr. 36. gr. skipulagslaga.

Hægt er að nálgast aðalskipulagsbreytinguna í Skipulagsgátt og á Skipulagsvefsjá Skipulagsstofnunar þegar breytingin hefur öðlast gildi með birtingu í B-deild Stjórnartíðinda.