Í breytingunni felst stækkun verslunar- og þjónustusvæðis VÞ2 við Snjókagjá í um 27,4 ha vegna áforma um uppbyggingu þjónustumiðstöðvar fyrir þjóðgarðinn. Einnig er skilgreint nýtt svæði fyrir verslun og þjónustu VÞ50 við Valhallarstíg nyrðri, um 0,5 ha, þar sem gert er ráð fyrir ferðaþjónustu og aðstöðu fyrir landverði. Óbyggt svæði minnkar til samræmis. Þá er tveimur nýjum brunnsvæðum vatnsbóla bætt við, VB26 og VB27, ásamt grann- og fjarsvæðum.

Málsmeðferð var samkvæmt 1. mgr. 36. gr. skipulagslaga nr. 123/2010.

Hægt er að nálgast aðalskipulagsbreytinguna í Skipulagsgátt og á Skipulagsvefsjá Skipulagsstofnunar þegar breytingin hefur öðlast gildi með birtingu í B-deild Stjórnartíðinda.