Skipulagsstofnun staðfesti 18. október 2023 breytingu á Aðalskipulagi Rangárþings ytra 2016-2028 sem samþykkt var í sveitarstjórn 12. júlí 2023.

Í breytingunni felst að lóðin Heiðarbrún, innan íbúðarbyggðar ÍB33 í landi Heiðarbrúnar, verður skilgreind sem landbúnaðarsvæði og íbúðarbyggðin minnkar um 1,6 ha vegna þessa. Heimilt verður að skilgreina allt að 20 lóðir innan ÍB33 í stað 16 áður.

Málsmeðferð var óveruleg breyting á aðalskipulagi samkvæmt 2. mgr. 36. gr. skipulagslaga nr. 123/2010.

Hægt verður að nálgast aðalskipulagsbreytinguna á Skipulagsvefsjá Skipulagsstofnunar og í Skipulagsgátt þegar breytingin hefur öðlast gildi með birtingu í B-deild Stjórnartíðinda.