Leiðbeiningar um sjálfbært skipulag og vistvænar samgöngur í þéttbýli, Mannlíf, byggð og bæjarrými lifnuðu við í Listasafni Reykjavíkur í Hafnarhúsi á Hönnunarmars í ár. Þar gafst gestum og gangandi kostur á að spreyta sig á borgarskipulagi, máta sig við göturými og kynna sér og ræða leiðbeiningarnar. Fjöldi fólks kom við og ungir sem aldnir lögðu sitt af mörkum við uppbyggingu byggðar og hönnun bæjarrýma og röbbuðu um skipulag, samgöngur og hið byggða umhverfi.

Ritið Mannlíf, byggð og bæjarrými sem gefið var út í lok síðasta árs af Skipulagsstofnun og Samtökum sveitarfélaga á höfuðborgarsvæðinu (SSH) má finna hér.

Skipulagsstofnun og SSH þakka góðar viðtökur.