Út er komin lokaskýrsla úr rannsóknarverkefninu „Eftirspurn bílastæða og umferðarsköpun á höfuðborgarsvæðinu“ sem styrkt var af rannsóknar- og þróunarsjóði Skipulagsstofnunar. Í rannsókninni er leitast við að meta eftirspurn eftir bílastæðum við íbúðarhúsnæði, skrifstofuhúsnæði og við matvöruverslun. Megintilgangur rannsóknarinnar var að auka skilning á samhengi þessarar eftirspurnarinnar og mismunandi landnotkunar. Aðferðafræðin sem notast var við í rannsókninni gerði höfundum einnig kleift að mæla og reikna umferðarsköpun sem einnig er fjallað um í skýrslunni.

Að verkefninu unnu Daði Baldur Ottósson, Guðrún Birta Hafsteinsdóttir og Hanna Sóley Guðmundsdóttir.

Skýrsluna má nálgast á vef stofnunarinnar undir Útgefið efni. Þar eru einnig aðgengilegar skýrslur úr öðrum verkefnum sem sjóðurinn hefur styrkt.