Með forsetaúrskurði í nóvember síðastliðnum um skiptingu stjórnarráðsins færðust skipulagsmál, þ.m.t. málefni haf- og strandsvæðisskipulags, frá umhverfis- og auðlindaráðherra til innviðaráðherra. Með þessu færist skipun formanns svæðisráða frá umhverfisráðherra yfir til innviðaráðherra. Sigurður Ingi Jóhannesson hefur nú skipað Magnús Jóhannesson formann svæðisráða um gerð strandsvæðisskipulags á Austfjörðum og Vestfjörðum. Magnús lét nýverið af störfum sem framkvæmdastjóri Norðurskautsráðsins en hann var áður ráðuneytisstjóri umhverfisráðuneytisins. Magnús tekur við formennsku í svæðisráðum af Stefáni Gíslasyni. Magnús er boðinn velkomin til starfa í svæðisráðum um leið og Stefáni eru þökkuð vel unnin störf.

Svæðisráð á Austfjörðum og Vestfjörðum vinna nú að mótun tillögu að strandsvæðisskipulagi á svæðunum og má gera ráð fyrir að tillögur verði kynntar á næstunni.