Breytingar á lögum um skipulag haf- og strandsvæða voru samþykktar á Alþingi þann 22. maí sl. og hafa nú tekið gildi með birtingu í A-deild Stjórnartíðinda.

Lög um breytingu á lögum um skipulag haf- og strandsvæða og skipulagslögum (svæðisráð o.fl.)

Meðal nýmæla er að skv. 2. mgr. 8. gr. laganna er Skipulagsstofnun fengin heimild til að taka mál upp að eigin frumkvæði og gefa út álit um það hvort framkvæmd sé í samræmi við gildandi strandsvæðisskipulag. Þá fær stofnunin heimild til að leita til svæðisráðs áður en álit er veitt. Álit eru ráðgefandi og því ekki bindandi.

Þá er Eyjafirði og Skjálfandaflóa bætt við 7. tölulið í bráðabirgðaákvæði skipulagslaga um heimild til greiðslu kostnaðar úr Skipulagssjóði við gerð strandsvæðisskipulags á þessum svæðum.