Skatturinn
Auðkenni
Rafræn skilríki og veflyklar eru notaðir til að auðkenna notendur í rafrænum samskiptum við Skattinn og veita aðgang að þjónustuvef Skattsins.
Rafræn skilríki
Rafræn skilríki gera þér kleift að sanna hver þú ert þegar þú notar rafræna þjónustu Skattsins. Þau veita þér öruggan aðgang að þjónustuvefnum og gera þér kleift að sinna ýmsum erindum rafrænt.
Með rafrænum skilríkjum getur þú meðal annars:
auðkennt þig á þjónustuvef Skattsins
skoðað og sinnt þínum skattamálum
sent inn gögn og upplýsingar
staðfest upplýsingar og undirritað skjöl rafrænt
Nánari upplýsingar um rafræn skilríki.
Forsvarsmenn fyrirtækja og félaga þurfa að skrá sig inn með veflykli til að fá aðgang að gögnum fyrirtækisins. Þeir hafa aðeins takmarkað aðgang í gegnum eigin rafræn skilríki.
Veflyklar
Veflyklar eru notaðir ef ekki er hægt að nota rafræn skilríki. Skatturinn gefur út nokkrar tegundir veflykla sem veita mismunandi aðgang að þjónustu á þjónustuvef Skattsins.
Allir framtalsskyldir einstaklingar og félög geta fengið aðalveflykil og skilalykil fagaðila. Veflykill er aðgangsorð fyrir rafræn samskipti framteljenda við skattyfirvöld á þjónustusíðu Skattsins.
Aðalveflykill veitir aðgang að eigin þjónustusíðu þjónustuvef Skattsins. Hann er gefinn út af Skattinum og er til einkanota fyrir gjaldanda. Fái gjaldandi annan til að annast skil fyrir sig skal nota Skilalykil fagaðila.
Með aðalveflykli er meðal annars hægt að skila skattframtölum einstaklinga og félaga, nálgast niðurstöður álagningar og skoða ýmsar upplýsingar um tekjur, eignir og skuldastöðu.
Með aðalveflykli er meðal annars hægt að skila skattframtölum einstaklinga og félaga, nálgast niðurstöður álagningar og skoða ýmsar upplýsingar um tekjur, eignir og skuldastöðu.
Einstaklingar
Aðallykill einstaklinga hefur ótakmarkaðan gildistíma.
Börn yngri en 16 ára fá ekki veflykil. Þegar skila þarf skattframtali barns er það gert á þjónustusíðu framfæranda barnsins.
Aðgangur hjóna
Hjón hafa hvort sína þjónustusíðu hjá Skattinum og sinn eigin veflykil. Þau hafa bæði aðgang að sameiginlegu skattframtali og öðrum sameiginlegum skattgögnum, svo sem afritum af framtölum fyrri ára.
Persónulegar upplýsingar, svo sem yfirlit úr staðgreiðsluskrá, greiðslustaða hjá Fjársýslu ríkisins og eignir samkvæmt Ökutækjaskrá, eru aðeins aðgengilegar viðkomandi einstaklingi.
Aðgangur að persónulegum skattaupplýsingum er því óháður hjúskaparstöðu. Við skilnað heldur hvor einstaklingur aðgangi að sínum persónulegu upplýsingum en fyrrverandi maki hefur áfram aðgang að eldri sameiginlegum skattagögnum.
Fyrirtæki
Aðallykill félaga hefur ótakmarkaðan gildistíma.
Aðallykill veitir sýn á öll gögn sem skilað er fyrir félagið í gagnaskilum (launamiðar o.þ.h.) en aðrir lyklar hafa einungis sýn á þau gögn sem þeir voru notaðir við skil á.
Óskattskyld félög
Óskattskyld félög eru lögaðilar sem þurfa ekki að greiða tekjuskatt. Þau fá ekki sjálfkrafa úthlutað veflykli, en geta sótt um veflykil ef þau þurfa að eiga rafræn samskipti við Skattinn.
Sömu reglur gilda um veflykla óskattskyldra félaga og aðra veflykla. Með veflyklinum geta félög meðal annars skilað inn gögnum vegna:
greiddra launa
virðisaukaskattsskyldrar sölu
fjármagnstekna
Veflykill getur einnig nýst húsfélögum, til dæmis til að sækja um endurgreiðslu virðisaukaskatts vegna viðhalds og endurbóta.
Nánar um óskattskyld félög.
Skilalykill er ætlaður þeim sem sjá um að skila skattgögnum fyrir hönd framteljanda, til dæmis endurskoðendum og bókurum.
Með skilalykli er hægt að skila skattframtölum, ársreikningum, launamiðum, verktakamiðum og öðrum gögnum sem tengjast framtalsgerð. Hann veitir aðeins aðgang að þeim gögnum sem tengjast skilunum en ekki öðrum persónulegum upplýsingum á þjónustusíðunni.
Einnig er hægt að skila gögnum beint úr launa- og bókhaldskerfum með skilalykli.
Einstaklingar og félög geta sótt um að fá veflykla:
Sækja hann á starfsstöð Skattsins gegn framvísun persónuskilríkja.
Til að tryggja öryggi gagna er veflykill fyrirtækis aðeins afhentur í eigin persónu til þessara aðila gegn framvísun persónuskilríkja:
Prókúruhafa
Framkvæmdastjóra
Stjórnarformanns (eða stjórnarmanns í eins manns stjórn)
Skatturinn hvetur handhafa veflykla til að varðveita þá með öruggum hætti og láta þá aldrei óviðkomandi aðilum í té. Afhending veflykils getur veitt aðgang að persónulegum upplýsingum um fjárhagsstöðu og samskipti við Skattinn.
Ef endurskoðandi eða bókari annast framtalsgerð fyrir hönd framteljanda skal nota skilalykil fagaðila. Hann veitir takmarkaðri aðgang að þjónustusíðunni en aðalveflykill.
Skatturinn ber ekki ábyrgð á tjóni sem kann að hljótast af auðkenningu, notkun veflykils eða aðgerðum notanda á þjónustusíðunni.
Veflyklar eru eign Skattsins.
Veflykill staðgreiðslu er notaður í atvinnurekstri og nýtast líka til rafrænna skila á öðrum gjöldum og sköttum, eins og fjársýsluskatti, tryggingagjaldi, fjármagnstekjuskattiþ
Rafræn skil á staðgreiðslu opinberra gjalda er bæði hægt að gera á þjónustuvef Skattsins og með sendingum beint úr launa- og bókhaldskerfum.
Sá sem er með staðgreiðslulykil getur skilað staðgreiðslu og skoðað öll staðgreiðsluskil framteljanda á þjónustusíðu hans. En staðgreiðslulykill veitir einungis aðgang að þeim gögnum sem skilað var með honum í gagnaskilum (launamiðar, verktakamiðar o.s.frv.).
Skil á öðrum gjöldum
Veflykill staðgreiðslu er notaður til rafrænna skila á fleiri sköttum og gjöldum en nöfn þeirra gefa til kynna.
Staðgreiðslulykill er notaður til að skila meðal annars:
staðgreiðslu af launum
tryggingagjaldi
fjármagnstekjuskatti
fjársýsluskatti
launamiðum og verktakamiðum
Einstaklingar og félög geta sótt um að fá veflykla:
Sækja hann á starfsstöð Skattsins gegn framvísun persónuskilríkja.
Til að tryggja öryggi gagna er veflykill fyrirtækis aðeins afhentur í eigin persónu til þessara aðila gegn framvísun persónuskilríkja:
Prókúruhafa
Framkvæmdastjóra
Stjórnarformanns (eða stjórnarmanns í eins manns stjórn)
Skatturinn hvetur handhafa veflykla til að varðveita þá með öruggum hætti og láta þá aldrei óviðkomandi aðilum í té. Afhending veflykils getur veitt aðgang að persónulegum upplýsingum um fjárhagsstöðu og samskipti við Skattinn.
Ef endurskoðandi eða bókari annast framtalsgerð fyrir hönd framteljanda skal nota skilalykil fagaðila. Hann veitir takmarkaðri aðgang að þjónustusíðunni en aðalveflykill.
Skatturinn ber ekki ábyrgð á tjóni sem kann að hljótast af auðkenningu, notkun veflykils eða aðgerðum notanda á þjónustusíðunni.
Veflyklar eru eign Skattsins.
Veflykill virðisaukaskatts er notaður í atvinnurekstri og nýtast líka til rafrænna skila á öðrum gjöldum t.d. gistináttaskatti.
Rafræn skil á virðisaukaskatti er bæði hægt að gera á þjónustuvef Skattsins og með sendingum beint úr launa- og bókhaldskerfum.
Sá sem er með virðisaukaskattsveflykil getur skilað virðisaukaskattsveflykil og skoðað öll virðisaukaskattskil framteljanda á þjónustusíðu hans.
Skil á gistanáttaskatti
Veflykill virðisaukaskatts er einnig notaður til að skila gistanáttaskatti sem er sérstakur skattur sem lagður er á hverja selda gistináttaeiningu. Nánar um gistináttaskatt.
Einstaklingar og félög geta sótt um að fá veflykla:
Sækja hann á starfsstöð Skattsins gegn framvísun persónuskilríkja.
Til að tryggja öryggi gagna er veflykill fyrirtækis aðeins afhentur í eigin persónu til þessara aðila gegn framvísun persónuskilríkja:
Prókúruhafa
Framkvæmdastjóra
Stjórnarformanns (eða stjórnarmanns í eins manns stjórn)
Skatturinn hvetur handhafa veflykla til að varðveita þá með öruggum hætti og láta þá aldrei óviðkomandi aðilum í té. Afhending veflykils getur veitt aðgang að persónulegum upplýsingum um fjárhagsstöðu og samskipti við Skattinn.
Ef endurskoðandi eða bókari annast framtalsgerð fyrir hönd framteljanda skal nota skilalykil fagaðila. Hann veitir takmarkaðri aðgang að þjónustusíðunni en aðalveflykill.
Skatturinn ber ekki ábyrgð á tjóni sem kann að hljótast af auðkenningu, notkun veflykils eða aðgerðum notanda á þjónustusíðunni.
Veflyklar eru eign Skattsins.
Forráðamaður dánarbús getur sótt um veflykil til að fá aðgang að þjónustusíðu hins látna hjá Skattinum.
Aðgangur veitir heimild til að:
Skoða þjónustusíðu hins látna.
Skoða skuldastöðu og eldri framtöl.
Skila framtali á fyrsta ári eftir andlát.
Nálgast önnur nauðsynleg gögn vegna skiptanna.
Umsóknarferli skref fyrir skref:
Skráðu dánarbúsins og smelltu á Sækja veflykil
Skráðu þína kennitölu sem forráðamaður og netfang í öðru þrepi.
Fylgigögn: afrit af umboði/vottorði frá sýslumanni (sem dæmi: leyfi til einkaskipta eða skiptastjórnarumboð).
Veflykillinn er sendur í tölvupósti í gegnum Signet Transfer á fyrirsvarsmann dánarbúsins sem opnar hann með sínum persónulegu rafrænu skilríkjum.
Afgreiðslutími: Umsóknir eru að jafnaði afgreiddar innan 4 virkra daga frá móttöku.
Einstaklingar búsettir erlendis geta notað annaðhvort rafræn skilríki í gegnum Auðkennisappið eða sótt um að fá veflykil sendan á lögheimili erlendis.
Rafræn skilríki í Auðkennisappinu
Í Auðkennisappinu er hægt að virkja rafræn skilríki með sjálfsafgreiðslu - hvar sem er í heiminum, en viðkomandi þarf að hafa:
náð 13 ára aldri. Yngri en 18 ára þurfa undirritun forsjáraðila.
afnot að snjalltæki með NFC stuðningi.
gilt íslenskt vegabréf.
Veflykill sendur erlendis
Þau sem eiga ekki íslenskt lögheimili, íslenskan heimabanka eða íslensk rafræn skilríki geta sótt um að fá veflykil sendan á lögheimili sitt erlendis. Sækja um veflykil erlendis
Veflykillinn er sendur í bréfpósti (ekki í tölvupósti) á lögheimili erlendis eða til tilgreinds umboðsmanns.
Hægt er að sækja um veflykil fyrir húsfélag og fá hann:
Sendan í netbanka húsfélagsins.
Sendan í bréfpósti á skráð lögheimili húsfélagsins.
Sé óskað eftir að fá veflykil í bréfpósti er aðeins hægt að senda á skráð heimilisfang samkvæmt Fyrirtækjaskrá Skattsins. Mikilvægt er að hafa póstkassa/póstlúgu vandlega merkta húsfélaginu.