Greiðsluþátttaka ákveðinna lyfja miðast við ráðlagðan hámarksskammt samkvæmt markaðsleyfi lyfs hér á landi, eftir atvikum verður líka stuðst við viðurkenndar klínískar leiðbeiningar. Eftir breytingu er ekki greiðsluþátttaka á þeim skammti sem er umfram ráðlagðan hámarksskammt. Nýja fyrirkomulag tók gildi 1. janúar 2026. Lyfjanotkun sem er grundvöllur mats á því hvort hámarksskammti hafi verið náð reiknast frá þeim tíma. Í apríl 2026 hættir greiðsluþátttaka í þeim hluta sem er umfram ráðlagðan hámarksskammt. Ef notkun er samkvæmt ráðlögðum hámarksskammti þá fæst greiðsluþátttaka skv. greiðsluþátttökukerfinu en ef notkun er yfir hámarsskammti þá fæst ekki greiðsluþátttaka í þeim skammti sem er umfram.

Breytingin er í samræmi við 6. gr. reglugerðar nr. 1143/2019 um greiðsluþátttöku Sjúkratrygginga í lyfjakostnaði, þar sem segir meðal annars:

„Sjúkratryggingastofnuninni er heimilt að takmarka greiðsluþátttöku sjúkratrygginga í lyfjakostnaði einstaklings, sem hefur verið samþykkt skv. 2. tölul. 2. mgr. 66. gr. lyfjalaga, við ákveðna skammtastærð sem fer umfram ráðlagðan hámarksskammt samkvæmt markaðsleyfi lyfsins hér á landi."

[11.12.25 Fréttin hefur verið uppfærð] Nánari upplýsingar um breytinguna má finna hér:

[Fréttin var endurbirt og uppfærð 24.04.26]